شىعىس قازاقستان وبلىسىندا ايۋ 58 جاستاعى ەر ادامعا تاپ بەردٸ. اۋىر جاراقات العان تۇرعىن بٸرنەشە كٷن جانساقتاۋ بٶلٸمٸندە جاتقان, دەپ حابارلايدى dalanews.kz.
YK-news.kz مەلٸمەتٸنشە, وقيعا بيىل شٸلدە ايىنىڭ سوڭىندا ريددەر ماڭىنداعى باتىس التاي مەملەكەتتٸك تابيعي قورىعىنا جاقىن ورنالاسقان دەمالىس بازاسىنىڭ جانىندا بولعان. كۋەگەرلەردٸڭ ايتۋىنشا, ايۋ سول اۋماقتا ومارتاشى بولىپ جۇمىس ٸستەيتٸن ەر ادامعا تۇتقيىلدان شابۋىل جاساعان.
وقيعا ورنىندا بولعان تاعى ەكٸ ادام ايۋعا قارسى تۇرىپ, زارداپ شەگۋشٸنٸ قۇتقارىپ قالعان. وسىدان كەيٸن جىرتقىش ورمانعا قاشىپ كەتكەن.
ريددەر قالالىق اۋرۋحاناسىنىڭ مەلٸمەتٸنشە, ەر ادامنىڭ باسى, قولى مەن اياعىنا كٶپتەگەن اۋىر جاراقات تٷسكەن. سونداي-اق ونىڭ قولى مەن اياعى سٷيەكتەرٸ ىعىسىپ, اشىق سىنعان. ناۋقاس بٸرنەشە كٷن جانساقتاۋ بٶلٸمٸندە ەم قابىلداپ, كەيٸن تراۆماتولوگييا بٶلٸمٸنە اۋىستىرىلعان. 19 تامىزدا اۋرۋحانادان شىعارىلعان تۇرعىن قازٸر ٷيٸندە ەمٸن جالعاستىرىپ جاتىر.
وقيعادان كەيٸن اۋماققا قارۋلانعان ينسپەكتورلار جٸبەرٸلٸپ, ادام ٶمٸرٸنە قاۋٸپ تٶندٸرگەن ايۋدىڭ كٶزٸ جويىلعان.
«ايۋدىڭ ادامعا ناقتى نە سەبەپتٸ شابۋىل جاساعانىن ايتا المايمىن. قازٸر بۇل اۋماقتا قاۋٸپ جوق. بيىل تۇرعىنداردان ايۋلارعا قاتىستى ٶتٸنٸش ٶتە كٶپ تٷسٸپ جاتىر. بٸز وقيعا ورنىنا بارىپ, ولاردى ٷركٸتٸپ قايتارامىز. ال ادام ٶمٸرٸنە تٸكەلەي قاۋٸپ تٶنگەن جاعدايدا اتۋعا تۋرا كەلەدٸ. بۇعان دەيٸن ايۋلاردىڭ مالعا شاپقان نەمەسە ادامدارعا تىم جاقىن كەلگەن كەزدەرٸ بولعان. الايدا مەنٸڭ تەجٸريبەمدە ادامنىڭ ٶزٸنە شابۋىل جاساعان العاشقى جاعداي وسى», – دەدٸ ورمان جەنە اڭشىلىق شارۋاشىلىعى جەدەل ەرەكەت ەتۋ جاساعى باستىعىنىڭ ورىنباسارى سەرگەي كارماننيكوۆ.
ماماننىڭ سٶزٸنشە, كەيٸنگٸ جىلدارى ٶڭٸردەگٸ ايۋلار سانى كٶبەيگەن. بىلتىر ۇرعاشى ايۋلاردىڭ ەرقايسىسى ەكٸ-ٷشتەن قونجىق ەرتكەن جاعدايلار جيٸ بايقالعان.
سونىمەن بٸرگە سوڭعى ەكٸ جىلداعى ٷسٸك پەن قۇرعاقشىلىق سالدارىنان ورماندا جيدەك پەن سامىرسىن جاڭعاعى ازايعان. ازىق تاپشىلىعىنا ۇشىراعان جىرتقىشتار قوقىس ورىندارىنا, قاراۋسىز قالعان ساياجايلار مەن تۇرعىنداردىڭ باۋ-باقشاسىنا كەلٸپ, قورەك ٸزدەۋگە مەجبٷر بولىپ وتىر.
