سولتۇستىك قازاقستان وبلىسىنىڭ پروكۋراتۋراسى مۇگەدەكتىگى بار تۇلعالاردىڭ كونستيتۋسيالىق قۇقىقتارىنىڭ بۇزىلۋىن انىقتادى. بۇل تۋرالى باس پروكۋراتۋرانىڭ باسپا ءسوز قىزمەتى مالىمدەدى، دەپ حابارلايدى Dalanews.kz.
قاداعالاۋ ورگانى جۇرگىزگەن تالداۋ ناتيجەسىندە سالىق زاڭناماسىنىڭ ورەسكەل بۇزىلۋى اشكەرەلەنگەن. اتاپ ايتقاندا، جەكە تابىس سالىعى مۇگەدەكتىگى بار ازاماتتاردان زاڭسىز تۇردە ۇستالىپ كەلگەن.
ماسەلەن، 2023–2024 جىلدارى اقجار، ەسىل، عابيت مۇسىرەپوۆ، مامليۋت، شال اقىن جانە تايىنشا اۋداندارىنداعى ءبىرقاتار جۇمىس بەرۋشى مۇگەدەكتىگى بار 366 قىزمەتكەردەن جالپى سوماسى 16،9 ملن تەڭگە كولەمىندە جەكە تابىس سالىعىن نەگىزسىز شەگەرگەن. الايدا قولدانىستاعى سالىق كودەكسىنە سايكەس، مۇنداي ازاماتتار بۇل سالىقتان بوساتىلعان.
سونداي-اق ەسىل اۋدانىندا ءبىلىم ءبولىمى قىزمەتكەرلەرى مۇمكىندىگى شەكتەۋلى بالالاردىڭ 24 زاڭدى وكىلىنەن 1،7 ملن تەڭگە كولەمىندە سالىقتى زاڭسىز ۇستاعان.
پروكۋرورلىق قاداعالاۋ ناتيجەسىندە مەملەكەتتىك كىرىستەر ورگاندارى 6،2 ملن تەڭگەنى قايتارۋدى قامتاماسىز ەتتى. قالعان سومانى وتەۋ جانە كىنالىلەردى جاۋاپكەرشىلىككە تارتۋ جۇمىستارى جالعاسىپ جاتىر.
