Soltústik Qazaqstan oblysynyń prokýratýrasy múgedektigi bar tulǵalardyń konstitýtsiialyq quqyqtarynyń buzylýyn anyqtady. Bul týraly Bas prokýratýranyń baspasóz qyzmeti málimdedi, dep habarlaidy Dalanews.kz.
Qadaǵalaý organy júrgizgen taldaý nátijesinde salyq zańnamasynyń óreskel buzylýy áshkerelengen. Atap aitqanda, jeke tabys salyǵy múgedektigi bar azamattardan zańsyz túrde ustalyp kelgen.
Máselen, 2023–2024 jyldary Aqjar, Esil, Ǵabit Músirepov, Mamliýt, Shal aqyn jáne Taiynsha aýdandaryndaǵy birqatar jumys berýshi múgedektigi bar 366 qyzmetkerden jalpy somasy 16,9 mln teńge kóleminde jeke tabys salyǵyn negizsiz shegergen. Alaida qoldanystaǵy Salyq kodeksine sáikes, mundai azamattar bul salyqtan bosatylǵan.
Sondai-aq Esil aýdanynda bilim bólimi qyzmetkerleri múmkindigi shekteýli balalardyń 24 zańdy ókilinen 1,7 mln teńge kóleminde salyqty zańsyz ustaǵan.
Prokýrorlyq qadaǵalaý nátijesinde memlekettik kirister organdary 6,2 mln teńgeni qaitarýdy qamtamasyz etti. Qalǵan somany óteý jáne kinálilerdi jaýapkershilikke tartý jumystary jalǵasyp jatyr.
