تۋريزم جەنە سپورت مينيسترٸ ەربول مىرزابوسىنوۆ "سپورتشىلاردىڭ دٸنشٸلدٸگٸنە كٶزقاراسىڭىز قانداي" دەگەن سۇراققا جاۋاپ بەردٸ, دەپ حابارلايدى Dalanews.kz ۇلىسمەدياعا سٸلتەپ.
ٷكٸمەت وتىرىسىنان كەيٸن جۋرناليستەردٸڭ بٸرٸ مينيستردەن “وليمپيادا بولسىن, چەمپيونات بولسىن سپورتشىلار جەڭسە دە, جەڭٸلمەسە دە, اللانىڭ قالاۋىمەن جەڭدٸم نەمەسە جەڭٸلدٸم دەپ جاتادى, سپورتشىلاردىڭ دٸنشٸلدٸگٸنە بايلانىستى ٷلكەن بٸر تەرٸس كٶزقاراستار ايتىلادى, ولاردىڭ دٸن مەسەلەسٸن كٶبٸرەك ايتۋى دۇرىس ەمەس دەيدٸ. سپورتشىلاردىڭ دٸنشٸلدٸگٸنە كٶزقاراسىڭىز قانداي?” دەپ سۇرادى.
ەربول مىرزابوسىنوۆ بۇل سۇراققا بەرگەن جاۋابىندا دٸن مەسەلەسٸ بويىنشا ارنايى جول كارتاسى ەزٸرلەنگەنٸن, سول بويىنشا جۇمىس اتقارىلىپ جاتقانىن ايتتى.
بٷگٸنگٸ تاڭدا ارنايى ۇيىمداردان مامانداردى تارتىپ, سپورتشىلارمەن دە جٷيەلٸ جۇمىس اتقارىپ جاتىرمىز. ەر فەدەراتسييا بۇعان جاۋاپتى. ٶزٸنٸڭ قۇراماسىمەن جۇمىس اتقارادى. قازٸر جول كارتاسى اياسىندا دٸن مەسەلەسٸ بويىنشا جۇمىستى اتقارىپ جاتىرمىز, – دەيدٸ مينيستر.
تۋريزم جەنە سپورت ۆيتسە-مينيسترٸ سەرٸك جاراسباەۆ بۇعان دەيٸن مەجٸلٸس قاراۋىندا جاتقان سپورت تۋرالى زاڭ جوباسىنا تەرروريزم مەن ەكترەميزمگە قارسى نورمالار ەنگٸزٸلگەنٸن مەلٸم ەتكەن ەدٸ. اتالعان مەسەلە مەجٸلٸستە سپورت مەسەلەسٸ تالقىلانعان كەزدە كٶتەرٸلگەن. دەپۋتات جيگۋلي دايراباەۆ كەيبٸر سپورتشىلاردىڭ ساقالىنىڭ ٶسٸپ كەتكەنٸن سىنعا العان. ول دٸنگە بەرٸلسە, «ولار مەشٸتكە بارىپ ناماز وقىسىن» دەپ تە ٶتكٸر ايتتى.
ونىڭ بۇل سىنىنا سەرٸك جاراسباەۆ جاۋاپ بەردٸ.
قازٸرگٸ تاڭدا كٶپتەگەن سپورت تٷرلەرٸندە ٶزٸڭٸز ايتىپ وتىرعانداي, دٸننٸڭ قاتە اعىمىنا كەتٸپ قالعان سپورتشىلارىمىز بار, ٶكٸنٸشكە قاراي. ونى بٸلەمٸز, تٸزٸمٸ بار. سپورت تۋرالى زاڭ جوباسىنا تەرروريزم مەن ەكترەميزمگە قارسى نورمالاردى ەنگٸزٸپ وتىرمىز. ونى دەپۋتاتتار قولدادى», – دەدٸ جاراسباەۆ.
