قازاقستاندا كەسٸپكەردٸڭ قازاق تٸلٸ جايىندا ايتقانى داۋعا اينالىپ, قولدانۋشىلار كەسٸپكەردٸڭ كومپانيياسىنا بويكوت جارييالاۋدى ۇسىنا باستاعاننان كەيٸن 20 قازاندا كومپانييا وقيعاعا تٷسٸنٸكتەمە بەردٸ.
ولار كەسٸپكەردٸڭ "قاتەلەسكەنٸن" ايتىپ, قازاق تٸلٸندەگٸ نۇسقاسى جوق سايتتارىن قازاقشالاۋعا دا ۋەدە بەردٸ.
بٸر كٷن بۇرىن Chocofamily Holding نەگٸزٸن قالاۋشى قازاقستاندىق كەسٸپكەر راميل مۋحورياپوۆ ەلگە كەلگەن رەسەيلٸكتەر الدىندا سٶيلەگەن سٶزٸندە قازاقستاندا "ورىس تٸلٸن بٸلە تۇرا" قازاق تٸلٸندە سٶيلەگەندەردٸ سىناپ, مۇنى "ۇلتشىلدىق پەن مەدەنيەتسٸزدٸكتٸڭ بەلگٸسٸ" دەپ اتاعان.
كەسٸپكەر سٶزٸن جەلٸ قولدانۋشىلارى قاتاڭ سىنعا الىپ, كومپانييانىڭ قىزمەتٸن پايدالانۋدان باس تارتۋ ناۋقانى دا باستالعان. كەيبٸر قولدانۋشىلار كومپانييا سايتتارىنىڭ قازاقشا نۇسقاسىنىڭ جوعىنا دا نازار اۋدارعان.
– بۇل بٸزدٸڭ كەمشٸلٸك. مۇنىمىزدى اقتاي دا الا المايمىز. "ۋاقىت بولمادى, ٷلگەرە المادىق" دەپ تە ايتا المايمىز. ايتقاندارىڭىزدىڭ بەرٸ دۇرىس. ەندٸ بٸزدٸڭ قولىمىزدان نە كەلەدٸ? تٷزەۋ كەرەك. سوڭعى بٸرنەشە ايدا سول بويىنشا جۇمىس ٸستەپ جاتىرمىز. سول سەبەپتٸ جىل سوڭىنا دەيٸن بارلىق سەرۆيس قازاق تٸلٸنە اۋدارىلادى دەپ ويلايمىن. تٷزەۋگە ۋەدە بەرەمٸز, – دەدٸ 20 قازاندا اقپارات قۇرالدارىنا تٷسٸنٸكتەمە بەرگەن Chocofood كومپانيياسىنىڭ PR مەنەدجەرٸ سەنييا سەرٸكوۆا.
اقپارات قۇرالدارى ودان راميل مۋحورياپوۆتىڭ سٶزٸ جٶنٸندە دە سۇرادى.
– راميل قاتەلەستٸ. دۇرىس سٶز تاڭداي الماي قاتەلەستٸ. بارلىعى مۇنى تٷسٸنەدٸ. سەبەبٸ ەگەر ول سولاي ويلاسا, (قانشاما قازاق وتىر – س.س), قازاقتار ونىمەن جۇمىس ٸستەمەيتٸن ەدٸ. قازٸر ول شىن جٷرەگٸممەن كەشٸرٸم سۇراعان ۆيدەو تٷسٸرٸپ جاتىر. ول ٶزٸنٸڭ ينستاگرامداعى پاراقشاسىنا جارييالايدى. تەك وسىندعاىلار عانا ەمەس, بەرٸ كٶرە الۋى ٷشٸن, – دەدٸ سەنييا سەرٸكوۆا.
بەيسەنبٸ كٷنٸ كومپانييا ٶكٸلٸ اقپارات قۇرالدارىنا سۇحبات بەرمەي تۇرىپ, بەلسەندٸ كەميلا ەڭسەگەنوۆا Chocofood-تىڭ الماتىداعى كەڭسەسٸنە بارىپ, كەسٸپكەرمەن كەزدەسۋدٸ تالاپ ەتكەن ەدٸ.
ونىڭ قولىندا "قازاقستاندا ورىسشا سٶيلەۋگە مٸندەتتٸ ەمەسپٸن. #سancel Chocolife, #راميلگە بويكوت" دەگەن جازۋى بار پلاكات بولدى.
– قازاقتار "ۇلتشىل" دەدٸ. ورىسشا بٸلمەيتٸن قازاقتار "بٸرتٷرلٸ", "مەدەنيەتسٸز" دەدٸ. مەن مەدەنيەتسٸز ەمەسپٸن. مەن مەدەنيەتسٸز بولسام, باسقا جەرگە بارار ەدٸم. راميل مىرزامەن كٶزبە-كٶز سٶيلەسۋگە كەلدٸم, – دەدٸ كەسٸپكەردٸڭ شىعۋىن تالاپ ەتكەن بەلسەندٸ.
وقيعا ورنىندا بەلسەندٸمەن قاتار اقپارات قۇرالدارى بولدى. الايدا كەسٸپكەر شىققان جوق. ونىڭ ورنىنا كومپانييا ٶكٸلٸ سەنييا سەرٸكوۆا جاۋاپ بەرگەن.
بىلتىردان بەرٸ رەسەي ساياساتكەرلەرٸ مەن اقپارات قۇرالدارى قازاقستاننىڭ اۋماقتىق تۇتاستىعىنا, ەلدەگٸ ورىس تٸلٸنٸڭ احۋالىنا قاتىستى قاراما-قايشى مەلٸمدەمەلەر جيٸ جاساپ جٷر. كەيبٸرٸنە قازاقستان بيلٸگٸ رەاكتسييا دا بٸلدٸرگەن. قىركٷيەك سوڭىنان بەرٸ موبيليزاتسييادان قاشقان رەسەيلٸكتەردٸڭ ەدەۋٸر بٶلٸگٸ قازاقستانعا كەلگەننەن كەيٸن ەلدە تٸل مەسەلەسٸ جيٸ كٶتەرٸلٸپ جٷر.
Chocofamily Holding نەگٸزٸن قالاۋشى, 37 جاستاعى راميل مۋحورياپوۆ Forbes مەلٸمەتٸنشە, 2021 جىلى قازاقستانداعى ەڭ ىقپالدى 50 كەسٸپكەر قاتارىنا ەنگەن.
https://dalanews.kz/news/82684-almaty-oblysy-zhasyl-yenergetikanyng
https://dalanews.kz/sadak/82570-nazarbaev-khalyq-sanagy-kezinde-5-mln-qa
https://dalanews.kz/kogam/82579-ayzhan-ysqaqova-yekologiialyq-madenie
