سوزاق اۋدانىنداعى «سۋىندىق» سۋ ارناسى قايتا ىسكە قوسىلعاندا، سوزاق اۋىلى بويىنشا 960 گەكتار سۋارمالى جەر قايتا اينالىمعا قوسىلادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

وسىدان 40 جىلدان استام ۋاقىت بۇرىن سالىنعان سوزاق اۋدانىنداعى «سۋىندىق» كانالىنا ءقازىر كۇردەلى جوندەۋ جۇمىستارى جۇرگىزىلۋدە. وتكەن جىلى قولعا الىنعان قۇرىلىس جۇمىستارى تۇركىستان وبلىستىق اۋىل شارۋاشىلىعى باسقارماسىنىڭ تاپسىرىسىمەن قولعا الىندى. جۇمىس بارىسى سوزاق اۋدانىنىڭ اكىمى سالىحان پولاتوۆتىڭ باقىلاۋىندا.

ۇزىندىعى 23 شاقىرىمدىق «سۋىندىق» سۋ ارناسىنىڭ 19 شاقىرىمىنا «لوتوك قالقانشالار» ورناتىلىپ ۇلگەرگەن. كۇردەلى جوندەۋ جۇمىستارى جىل سوڭىنا دەيىن اياقتالادى. ناتيجەسىندە گيدروتەحنيكالىق قۇرىلىمداردىڭ پايدالى ارەكەت كوەففيسيەنتى ارتىپ، سۋارمالى جەرلەر ۆەگەتاسيالىق كەزەندە سۋمەن قامتاماسىز ەتىلەدى.