بۇگىندە بۇل باعىتتا اۋدانداعى ەلدىمەكەندەردىڭ ىشكى 24 كوشەسىنە اسفالت جابىندىسى توسەلمەك. «اۋىل - ەل بەسىگى» باعدارلاماسى بويىنشا 15،6 شاقىرىمدى قۇرايتىن 13 كوشەگە، جەرگىلىكتى بيۋدجەتتەن 11،6 شاقىرىمدىق 11 كوشەگە اسفالت جابىندىسىن توسەۋ ءۇشىن قارجى قارالىپ، مەردىگەردى انىقتاۋ ماقساتىندا مەملەكەتتىك ساتىپ الۋ جۇمىستارى جۇرگىزىلىپ جاتىر.
ناتيجەسىندە اۋدان بويىنشا 403 شاقىرىمدى قۇرايتىن ەلدىمەكەننىڭ ىشكى كوشەلەرىنىڭ 239 شاقىرىمى (59%) اسفالت بولسا، 2023 جىلدىڭ قورىتىندىسىمەن 266 شاقىرىمعا (66%) جەتكىزۋ جوسپارلانعان. سونىمەن قاتار، وبلىستىق جولاۋشىلار كولىگى جانە اۆتوموبيل جولدارى باسقارماسى تاراپىنان 2022 جىلى وبلىستىق ماڭىزى بار اۆتوموبيل جولدارىنىڭ 152 شاقىرىمىنا اسفالت جابىندىسىن توسەۋ جۇمىستارى باستالعان بولاتىن.
تارقاتا ايتساق، «كح-2 ۋلانبەل-سوزاق-ەكپىندى» اۆتوموبيل جولىنىڭ شولاققورعاننان ىبىرايعا دەيىن 83 شاقىرىم، «كح-57 سوزاق-قاراعۇر-باقىرلى» اۆتوموبيل جولىنىڭ سوزاقتان قاراعۇرعا دەيىنگى 30 شاقىرىم، «كح-56 جامبىل وبلىسىنىڭ شەكاراسىنان-قۇمكەنت-شولاققورعان-اششىساي» شولاققورعاننان قۇمكەنتكە دەيىنگى اۆتوموبيل جولىنىڭ 39 شاقىرىمى اسفالت جابىندىسىن توسەۋ جۇمىستارى جۇرگىزىلىپ جاتىر.
ايتا كەتسەك، اۋداندا 917 شاقىرىم اۆتوموبيل جولى بار. ونىڭ ىشىندە 435 شاقىرىمى وبلىستىق ماڭىزى بار جول بولسا، 79 شاقىرىمى اۋداندىق ماڭىزى بار جولدار، ال 403 شاقىرىمى ەلدىمەكەندەردىڭ ىشكى جولدارى.
