سوزاق اۋدانىندا ەرەكشە مۇراجاي بار
شاعىن عانا مۋزەيدە قازٸردٸڭ ٶزٸندە 1700-دەن استام جەدٸگەر بار. بابا اتا اۋىلىنداعى بۇل ەكسپوناتتاردى كٶرۋگە شەتەلدٸكتەر دە ىنتىق.
بۇل شاعىن مۇراجايدا كٶنەنٸڭ كٶزٸ بولعان تٷرلٸ زاتتاردى كەزدەستٸرۋگە بولادى. تٸپتٸ 10-12 عاسىرعا تەن ديٸرمەن تاستار دا وسىندا. سىرى كەتسە دە سىنى كەتپەگەن اسىل قازىنالاردى مەكتەپ شەكٸرتتەرٸ ساباق بارىسىندا دا پايدالانادى.
ماحاجان وسپانوۆ مەنشٷك مەمەتوۆا اتىنداعى جالپى ورتا مەكتەبٸندە تاريح پەنٸنەن ساباق بەرەدٸ. ۇستاز «مۇراجايدى شەكٸرتتەرٸم ٷشٸن اشتىم», – دەيدٸ.
سەبەبٸ تاريحتا كەزدەسەتٸن جەدٸگەرلەردٸ وقۋشىلار كٶزبەن كٶرٸپ, قولمەن ۇستاپ بٸلۋٸ تيٸس. سوندا عانا ساباق مازمۇندى ەرٸ قىزىقتى ٶتەدٸ.
«بالالاردىڭ دا پەنگە دەگەن قىزىعۋشىلىعى ارتادى», – دەيدٸ مۇعالٸم.
ماحاجان وسپانوۆ, ٶلكەتانۋ مۇراجايىنىڭ جەتەكشٸسٸ: - تۇرعان جەرٸمٸز – تاريحي جەر. بٸز مۇنى بٸلۋٸمٸز كەرەك. جەرٸمٸزدٸ, ەلٸمٸزدٸ, سۋىمىزدى بٸلۋٸمٸز كەرەك. سول ٷشٸن جينالعان نەرسە. جەدٸگەرلەر بار, دەگەنمەن ەلٸ تٷگەل جينالعان جوق.
شاعىن مۇراجايدا 1700-دەن استام ەكسپونات قويىلعان. بارلىق زاتتاردى وقۋشىلار ٶزدەرٸ ٷيٸنەن الىپ كەلٸپ تارتۋ ەتكەن. «كەيبٸر قۇندى جەدٸگەرلەردٸ ساتىپ الۋعا دا تۋرا كەلدٸ», – دەيدٸ بٸلٸم ۇياسىنىڭ باسشىلىعى.
ەندٸگٸ جەردە مۋزەيدٸ بابا اتا اۋىلىنىڭ ورتالىعىنان كەڭ ەتٸپ اشۋ ويدا بار.
تەك بۇعان قاجەتتٸ عيماراتتى اۋدان باسشىلارى شەشٸپ بەرسە بولعانى.
قارابەك پارمانقۇلوۆ, م.مەمەتوۆا اتىنداعى ورتا مەكتەپتٸڭ ديرەكتورى: - ماقساتىمىز – مۇراجايعا دٷنيەنٸ جيناقتاپ قويۋ عانا ەمەس, بۇل مۇراجايدى ارى قاراي دامىتۋ. بۇدان دا ٷلكەن, مەملەكەتتٸك دەڭگەيدە كٶرسەتەتٸندەي قۇندى دٷنيەلەردٸ جيناقتاۋىمىز كەرەك.
سىرلى سوزاق ٶڭٸرٸ – رۋحاني قۇندىلىقتارعا باي ٶلكە. مۇراجاي تٸپتٸ بٸر كەزدەرٸ شەتەلدٸك مەيمانداردى دا قىزىقتىرىپتى. مۇندا كەلۋشٸلەردٸڭ سانى جىلدان-جىلعا ارتپاسا, كەمٸگەن ەمەس.
