بۇل جولى تالدىقورعان جۇرتشىلىعى شەنەۋنىكتى تۇرعىندارمەن دورەكى سويلەستى دەپ ايىپتادى. نۇر قانات ۇلى ەسىمدى قولدانۋشى وسى وقيعانىڭ ۆيدەوسىن Facebook جەلىسىندەگى پاراقشاسىندا جاريالادى.
"بۇل ۆيدەودا مەن، قوعام قايراتكەرى، جانە ءبىزدىڭ قالامىزدىڭ كاسىپكەرلەر توبىنىڭ تالدىقورعان اكىمىنىڭ ءبىرىنشى ورىنباسارى اسقار تۋتۋبايەۆپەن كەزدەسكەن ءساتى تۇسىرىلگەن.
اسقار تۋتابايەۆ ءالى كۇنگە دەيىن جەرگىلىكتى كاسىپكەر الماسبەك سادىربايەۆپەن تۇسىنىسە الماي ءجۇر. تۇرعىندارمەن وتكەن كەزدەسۋدە قالا اكىمىنىڭ ورىنباسارى ءوزىن دورەكى ۇستادى، ولارعا ءسوز بەرمەدى. قۇقىق قورعاۋ ورگاندارىمەن قورقىتتى. كاسىپكەرلەر تەك وزدەرىنىڭ بيزنەسى مەن جەر ۋچاسكەلەرىن ساقتاپ قالعىسى كەلدى. سودان مەن وسىنىڭ بارلىعىن تىڭداپ وتىرىپ، شىداي الماي: "ءسىز حالىق قىزمەتشىسىز بە؟!" دەپ سۇرادىم. ءتىپتى ءبىزدىڭ پرەزيدەنتتىڭ ءوزى دە ءارقاشان جانە ءار جەردە "مەن حالىق قىزمەتشىسىمىن! حالقىما قىزمەت ەتەمىن!" دەپ ايتىپ جۇرەدى"، - دەپ جازعان قوعام قايراتكەرى ۆيدەونىڭ سيپاتتاماسىنا.
[video width="640" height="352" mp4="https://dalanews.kz/wp-content/uploads/2017/06/پودراۆشييسيا-چينوۆنيك-تالدىكورگانا-ستال-گەروەم-وچەرەدنوگو-سكاندالنوگو-روليكا.mp4"][/video]
سونداي-اق، ول شەنەۋنىكتىڭ اكىمدىك عيماراتىنا قالايشا سمارتفونمەن كىرگەنىنە نارازىلىق ءبىلدىردى. "بۇل ق ر "مەملەكەتتىك قۇپيالار تۋرالى" زاڭىنا قايشى عوي. الدە بۇل زاڭنىڭ وعان قاتىسى جوق پا؟!"، - دەپ جازعان نۇر قانات ۇلى.
"ماماندار، سونداي-اق، جۋرناليستەر ۆيدەونىڭ مونتاجدالعانىن ءتۇسىنىپ وتىرعان شىعار. ول جاقتان مەنىڭ سوزدەرىم الىنىپ تاستالعان. مەنىڭ ەكى تەلەفونىم بار. ءبىرىنشىسى - جاي قاراپايىم تەلەفون، ال ەكىنشىسى - سمارتفون. مۇندا تۇرعىندار جىبەرگەن حابارلامالار كەلىپ تۇسەدى. سول كۇنى مەن جينالىسقا باردىم. حالىق مەنى كۇتىپ قالعاندىقتان، اسىعىپ، ۇيالى تەلەفونىمدى كولىگىمدە قالدىرىپ كەتۋگە ۇمىتىپ كەتتىم. سودان جيىن بارىسىندا تەلەفونىما بىرەۋ قوڭىراۋ سوقتى. ال جيىن جايلى ايتاتىن بولساق، ءبىز ءقازىر ونداعى ماسەلەلەردى قازاقستان رەسپۋبليكاسىنىڭ كونستيتۋسياسىنا سايكەس شەشىپ جاتىرمىز"، - دەدى اسقار تۋتۋبايەۆ.
وسىعان بايلانىستى حالىق شەنەۋنىكتىڭ ولاردىڭ پروبلەمالارىن تىڭداماي جاتقانىن ايتىپ شاعىمدانىپ وتىر. ەسكە سالا كەتەيىك، وسىعان دەيىن تالدىقورعان اكىمدىگىندە قالا اكىمىنىڭ مىندەتىن اتقارۋشى اسقار تۋتۋبايەۆ پەن كاسىپكەر الماسبەك سادىربايەۆ توبەلەس شىعارعان بولاتىن.
