"Sóz tyńdamaidy". Taldyqorǵanda tóbeles shyǵarǵan Týtýbaev taǵy daýǵa qaldy (video)
Bul joly Taldyqorǵan jurtshylyǵy sheneýnikti turǵyndarmen dóreki sóilesti dep aiyptady. Nur Qanatuly esimdi qoldanýshy osy oqiǵanyń videosyn Facebook jelisindegi paraqshasynda jariialady.
"Bul videoda men, qoǵam qairatkeri, jáne bizdiń qalamyzdyń kásipkerler tobynyń Taldyqorǵan ákiminiń birinshi orynbasary Asqar Týtýbaevpen kezdesken sáti túsirilgen.
Asqar Týtabaev áli kúnge deiin jergilikti kásipker Almasbek Sadyrbaevpen túsinise almai júr. Turǵyndarmen ótken kezdesýde qala ákiminiń orynbasary ózin dóreki ustady, olarǵa sóz bermedi. Quqyq qorǵaý organdarymen qorqytty. Kásipkerler tek ózderiniń biznesi men jer ýchaskelerin saqtap qalǵysy keldi. Sodan men osynyń barlyǵyn tyńdap otyryp, shydai almai: "Siz halyq qyzmetshisiz be?!" dep suradym. Tipti bizdiń Prezidenttiń ózi de árqashan jáne ár jerde "Men halyq qyzmetshisimin! Halqyma qyzmet etemin!" dep aityp júredi", - dep jazǵan qoǵam qairatkeri videonyń sipattamasyna.
[video width="640" height="352" mp4="https://dalanews.kz/wp-content/uploads/2017/06/Podravshiisia-chinovnik-Taldykorgana-stal-geroem-ocherednogo-skandalnogo-rolika.mp4"][/video]
Sondai-aq, ol sheneýniktiń ákimdik ǵimaratyna qalaisha smartfonmen kirgenine narazylyq bildirdi. "Bul QR "Memlekettik qupiialar týraly" zańyna qaishy ǵoi. Álde bul zańnyń oǵan qatysy joq pa?!", - dep jazǵan Nur Qanatuly.
"Mamandar, sondai-aq, jýrnalister videonyń montajdalǵanyn túsinip otyrǵan shyǵar. Ol jaqtan meniń sózderim alynyp tastalǵan. Meniń eki telefonym bar. Birinshisi - jai qarapaiym telefon, al ekinshisi - smartfon. Munda turǵyndar jibergen habarlamalar kelip túsedi. Sol kúni men jinalysqa bardym. Halyq meni kútip qalǵandyqtan, asyǵyp, uialy telefonymdy kóligimde qaldyryp ketýge umytyp kettim. Sodan jiyn barysynda telefonyma bireý qońyraý soqty. Al jiyn jaily aitatyn bolsaq, biz qazir ondaǵy máselelerdi Qazaqstan Respýblikasynyń Konstitýtsiiasyna sáikes sheship jatyrmyz", - dedi Asqar Týtýbaev.
Osyǵan bailanysty halyq sheneýniktiń olardyń problemalaryn tyńdamai jatqanyn aityp shaǵymdanyp otyr. Eske sala keteiik, osyǵan deiin Taldyqorǵan ákimdiginde qala ákiminiń mindetin atqarýshy Asqar Týtýbaev pen kásipker Almasbek Sadyrbaev tóbeles shyǵarǵan bolatyn.
