سوت وتىرىسىندا نٷكەنوۆانىڭ قۇربىسى ايدا احمەدينا قايتادان سوت زالىنا كەلٸپ, سالتانات ەكەۋٸنٸڭ ديالوگىن وقىپ بەردٸ, - دەپ حابارلايدى Dalanews.kz.
ديالوگتاردىڭ بٸرٸندە سالتانات بيشٸمباەۆ ۇيقى بەرمەيتٸنٸن ايتقان.
سالتانات: ول ماعان ۇيقى بەرمەيدٸ, ٶزٸ دە تٷندە ۇيىقتامايدى.
ايدا: سەن ۇيىقتاپ جاتقان كەزدە ول ەرٸ-بەرٸ جٷرە مە سوندا?
سالتانات: پارانويدتىق ويلار كٶپ ويلايدى. اشۋلانادى, ايعايلايدى. ەكٸ كٷن ۇيىقتاماعانىمدى ايتتىم. ول ماعان "دەمەك سەنٸڭ ماعان پىسقىرعانىڭ بار" دەيدٸ. شىنىمدى ايتسام, ونى ايايمىن. اۋرۋ ادام. كٶمەكتەسۋگە تىرىستىم.
ايدا: ەرينە.
سالتانات: ونىڭ كٸنەسٸ جوق تا شىعار, بٸلمەيمٸن.
ايدا: وسىلاي تۋدى ما, ەلدە جٷرە كەلە وسىنداي بولعان ادام با?
سالتانات: پسيحياترييالىق اۋرۋحانادا جاتىپ شىعۋى كەرەك شىعار. بٸراق ٶزٸمدٸ ويلاۋىم كەرەك. بالا بوسانۋعا قورقامىن. نەكەمٸزدٸ تٸركەگٸم كەلمەيدٸ.
ەسكە سالايىق, بۇعان دەيٸن دە قۋاندىق بيشٸمباەۆ ٸسٸنە قاتىستى سوت وتىرىسىندا پروكۋرور سالتانات نٷكەنوۆا مەن قۇربىسى ايدا احمەدينانىڭ ديالوگىن وقىپ شىققان بولاتىن.
پروكۋرور احمەدينا مەن نٷكەنوۆانىڭ 2023 جىلى 19 سەۋٸردەگٸ ديالوگىن وقىپ شىقتى. سالتانات نٷكەنوۆا تٷنگٸ ەكٸ شاماسىندا قۇربىسىنا جازىپ, ادۆوكات كەرەگٸن ايتقان.
ول مەنٸڭ زاتتارىمدى بەرمەيدٸ. جالعىز كەلە المايمىن, اعام نەمەسە ەكەممەن بارۋىم كەرەك. كەز كەلگەن نەرسەگە دايىن بولۋىم كەرەك. ماعان ەشتەڭە كەرەك ەمەس. تەك زاتتارىمدى الىپ كەتسەم بولدى", - دەپ جازعان سالتانات قۇربىسىنا.
ايدا احمەدينا قانداي كٶمەك كەرەگٸن سۇراعان.
"ول مەنٸ جايدان-جاي جٸبەرە سالۋى ەكٸتالاي. ول مەنٸ ۇرعان سۋرەتٸم بار. ول سۋرەت ايتىمدا (سالتاناتتىڭ اعاسى) دا بار. بەتٸمدە ساۋ جەر قالماعان", - دەيدٸ سالتانات.
وسى كەزدە سالتانات اعاسى ايتىم مەن بيشٸمباەۆتىڭ تٶبەلەسٸپ قالعان كەزٸ تۋرالى ەڭگٸمەلەپ بەرگەن.
"ول مەنٸ ۇرعان كەزدەگٸ سۋرەتتەر بار بولعاندىقتان مەنٸ جٸبەرمەيتٸنٸن ايتتى. بٸز وعان وسى سۋرەتتەرمەن قوقان-لوقى كٶرسەتەمٸز دەپ ويلايدى. سول سۋرەتتەردٸ جارييالاپ, اقشا تالاپ ەتەدٸ دەپ ويلايدى. مەنٸ جالاڭاش ۆيدەوعا تٷسۋٸمدٸ سۇرادى. وسىلاي ٶزٸنە دە كەپٸلدٸك جاساپ الماق. وعان (بيشٸمباەۆقا) ەشكٸم قوقان-لوقى كٶرسەتپەۋٸ ٷشٸن تٷسٸرتتٸ. "مونسترسىڭ" دەدٸم. بٸراق مەنٸ ۆيدەوسىز جٸبەرمەيتٸنٸن بٸلدٸم", - دەيدٸ سالتانات.
"سوندا ۆيدەو تٷسٸردٸڭ بە?", - دەپ سۇراعان قۇربىسى.
"يە, كەتۋ ٷشٸن تٷسٸردٸم. باسقا امالىم بولمادى. شارشاپ كەتتٸم. باسقا ەشكٸممەن ارالاسپايمىن. مەنٸڭ ەر قادامىمدى, ەر حاتتى, ەر قوڭىراۋدى باقىلاپ وتىرادى. تەلەفوندى ارتىق ۇستامايمىن. جايدان-جاي اشۋلانىپ, ايعايلاپ, كەمسٸتە سالادى. ەبدەن قالجىراپ بٸتتٸم. جانجال شىعىپ كەتپەسٸن دەپ ٷندەمەي, قويا سالامىن. مانياك سيياقتى جاقسى كٶرەدٸ, بۇل ماحاببات ەمەس", - دەيدٸ سالتانات.
"سۇمدىق قوي, جانىم", - دەيدٸ احمەدينا.
"مەن ونىڭ ايتقاندارىن 24/ 7 ٸستەۋٸم كەرەك. قارسى شىقسام جانجال باستالادى. كٷن سايىن جانجال. الماتىدا زاتتارىمدى جيناپ, كەتكٸم كەلگەن كەزدە شاشىمدى جۇلىپ الدى. مۇنداي جاعداي بٸرنەشە رەت بولدى. شاشىمدى جۇلىپ, ايعايلايدى", - دەيدٸ سالتانات.
