بۇرىنعى ۇلتتىق ەكونوميكا مينيسترٸ قۋاندىق بيشٸمباەۆقا قاتىستى بٷگٸنگٸ سوت وتىرىسىندا ونىڭ ۇيالى تەلەفونى قارالىپ جاتىر, - دەپ حابارلايدى Dalanews.kz.
سوت وتىرىسى بارىسىندا سۋديا ايجان قۇلباەۆا بيشٸمباەۆتىڭ ۇيالى تەلەفونىنان سۋرەتتەر مەن ۆيدەولاردى قارادى. ونىڭ سٶزٸنشە, ۆيدەولارداعى ۋاقىت 8-9 قاراشا كٷندەرٸ دەپ كٶرسەتٸلگەن.
"ەشقانداي دەرەتحانا جوق. ٸزدە", - دەيدٸ ۆيدەوداعى داۋىستىڭ بٸرٸندە بيشٸمباەۆ نٷكەنوۆاعا.
سۋديا ۆيدەولاردى قاراۋ بارىسىندا بيشٸمباەۆتان نٷكەنوۆا ەدەننەن نە ٸزدەگەنٸن سۇرادى. سونىمەن قاتار, ايجان قۇلباەۆانىڭ ايتۋىنشا, ۆيدەولاردىڭ بەرٸندە كيٸمسٸز, تەك قارا پلاشش كيگەن نٷكەنوۆا كٶرٸنەدٸ.
بيشٸمباەۆتىڭ ۇيالى تەلەفونىنداعى ۆيدەودا ونىڭ نٷكەنوۆانى بۇرىنعى قارىم-قاتىناسى ٷشٸن ايىپتاعانى, بىلاپىت سٶزدەر ايتقانى دا ەستٸلەدٸ.
ول ەيەلٸن بالاعاتتاپ, قايتا-قايتا "رايىمبەك باتالوۆپەن تٶسەكتەس بولدىڭ با?" دەپ سۇراقتىڭ استىنا العان.
دەگەنمەن سوت وتىرىسىندا بيشٸمباەۆ مۇنىڭ بٸردە-بٸرٸن مويىندامادى.
"بۇل قانداي دا بٸر مونتاج, تەلەفوندى اشىپ الىپ, جٷكتەپ قويعان بولۋى مٷمكٸن", - دەپ جالتاردى ول.
جەبٸرلەنۋشٸ تاراپقا بۇل ۆيدەولاردى قاراماۋعا كەڭەس بەرٸلدٸ.
ايتا كەتەيٸك, بۇعان دەيٸن قۋاندىق بيشٸمباەۆتىڭ ۇيالى تەلەفونىن ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ دە اشا الماي قويعانى بەلگٸلٸ بولدى. ٶيتكەنٸ بۇعان دەيٸنگٸ سوت وتىرىستارىندا ونىڭ تەلەفونى زەرتتەلمەدٸ.
بۇل تۋرالى سوت وتىرىسىندا سۋديا ايجان قۇلباەۆا ايتتى. ونىڭ سٶزٸنشە, بيشٸمباەۆتىڭ تەلەفونىن ۇلتتىق قاۋٸپسٸزدٸك كوميتەتٸنٸڭ تەحنيكالىق ماماندارى اشا الماي قويعان.
قۋاندىق بيشٸمباەۆتىڭ تەلەفونى سوتقا دەيٸنگٸ تەرگەۋ بارىسىندا زاتتاي دەلەل رەتٸندە تٸركەلگەن.
"قىلمىستىق ٸس جٷرگٸزۋ كودەكسٸنٸڭ 375-بابىنا سەيكەس زاتتاي دەلەلدەردٸ قاراۋ سوت تەرگەۋٸنٸڭ كەز كەلگەن سەتٸندە جٷرگٸزٸلەدٸ. سوتقا دەيٸنگٸ تەرگەۋ بارىسىندا وسى تەلەفونعا قاتىستى ۇقك-نىڭ 5-قىزمەتٸنٸڭ 12-دەپارتامەنتٸ زەرتتەۋ جٷرگٸزدٸ. IPhone 13 Pro max ۇيالى تەلەفونىنا التى تاڭبالى كود قۇپييا سٶز رەتٸندە قويىلعان. ونى قولدا بار تەحنيكالىق قۇرالدارمەن اشۋ مٷمكٸن بولمادى", – دەدٸ سۋديا.
