Burynǵy ulttyq ekonomika ministri Qýandyq Bishimbaevqa qatysty búgingi sot otyrysynda onyń uialy telefony qaralyp jatyr, - dep habarlaidy Dalanews.kz.
Sot otyrysy barysynda sýdia Aijan Qulbaeva Bishimbaevtyń uialy telefonynan sýretter men videolardy qarady. Onyń sózinshe, videolardaǵy ýaqyt 8-9 qarasha kúnderi dep kórsetilgen.
"Eshqandai dárethana joq. Izde", - deidi videodaǵy daýystyń birinde Bishimbaev Núkenovaǵa.
Sýdia videolardy qaraý barysynda Bishimbaevtan Núkenova edennen ne izdegenin surady. Sonymen qatar, Aijan Qulbaevanyń aitýynsha, videolardyń bárinde kiimsiz, tek qara plash kigen Núkenova kórinedi.
Bishimbaevtyń uialy telefonyndaǵy videoda onyń Núkenovany burynǵy qarym-qatynasy úshin aiyptaǵany, bylapyt sózder aitqany da estiledi.
Ol áielin balaǵattap, qaita-qaita "Raiymbek Batalovpen tósektes boldyń ba?" dep suraqtyń astyna alǵan.
Degenmen sot otyrysynda Bishimbaev munyń birde-birin moiyndamady.
"Bul qandai da bir montaj, telefondy ashyp alyp, júktep qoiǵan bolýy múmkin", - dep jaltardy ol.
Jábirlenýshi tarapqa bul videolardy qaramaýǵa keńes berildi.
Aita keteiik, buǵan deiin Qýandyq Bishimbaevtyń uialy telefonyn Ulttyq qaýipsizdik komitetiniń qyzmetkerleri de asha almai qoiǵany belgili boldy. Óitkeni buǵan deiingi sot otyrystarynda onyń telefony zerttelmedi.
Bul týraly sot otyrysynda sýdia Aijan Qulbaeva aitty. Onyń sózinshe, Bishimbaevtyń telefonyn Ulttyq qaýipsizdik komitetiniń tehnikalyq mamandary asha almai qoiǵan.
Qýandyq Bishimbaevtyń telefony sotqa deiingi tergeý barysynda zattai dálel retinde tirkelgen.
"Qylmystyq is júrgizý kodeksiniń 375-babyna sáikes zattai dálelderdi qaraý sot tergeýiniń kez kelgen sátinde júrgiziledi. Sotqa deiingi tergeý barysynda osy telefonǵa qatysty UQK-nyń 5-qyzmetiniń 12-departamenti zertteý júrgizdi. IPhone 13 Pro max uialy telefonyna alty tańbaly kod qupiia sóz retinde qoiylǵan. Ony qolda bar tehnikalyq quraldarmen ashý múmkin bolmady", – dedi sýdia.
