بۇگىن سەمەيدە سوت مۇحتار جاكىشيەۆتىڭ شارتى تۇردە مەرزىمىنەن بۇرىن بوساتۋ تۋرالى ءوتىنىشىن قارادى.
"قازاتومونەركاسىپ" ۇلتتىق كومپانياسىنىڭ ەكس-باسشىسى مۇحتار جاكىشيەۆتىڭ شارتى تۇردە مەرزىمىنەن بۇرىن بوساتۋ تۋرالى ءوتىنىشىن سوت قاناعاتتاندىرمادى.
وتىرىس كەزىندە مۇحتار جاكىشيەۆتىڭ ادۆوكاتى نۇرلان بەيسەكەيەۆ ەكى ساعاتقا جۋىق ءسوز سويلەدى. ونىڭ ايۋتىنشا، تۇرمەدە وتىرعان جاكىشيەۆتىڭ دەنساۋلىعى ناشارلاپ كەتتى. ول بىرنەشە اۋرۋعا دۋشار بولدى. ءبىراق ءالى كۇنگە دەيىن تولىققاندى مەديسينالىق تەكسەرىستەن وتكەن جوق. بۇگىندە ول ءبىراز ءدارىنى ءىشىپ، ەمدەلۋگە ءماجبۇر. III توپتاعى مۇگەدەك تۋرالى انىقتاماسى بار.
"مۇحتار جاكىشيەۆ "قازاتومونەركاسىپ" ۇلتتىق كومپانياسى بانكروتقا جاقىن تۇرعاندا باسشىلىققا كەلدى. بۇل ءبىزدىڭ پرەزيدەنتىمىزدىڭ ءوتىنىشى ەدى. مۇحتار ەركىن ۇلى قىسقا ءۋاقىتتىڭ ىشىندە كومپانيانى كوتەردى، "ەكونوميكالىق مونسترعا" اينالدىردى دەۋگە بولادى. كوپتەگەن ءىرى كومپانيالار "قازاتومونەركاسىپكە" قاراپ، بوي تۇزەدى. ءىرى مەملەكەتتەر قازاقستانمەن ارىپتەست بولۋعا ۇمتىلدى. مۇحتار جاكىشيەۆ اتوم ەنەرگەتيكاسى سالاسىنداعى عىلىمدى دامىتۋدى كوزدەدى. ونداي ادامعا ىزگى كوزقاراسپەن قاراۋ قاجەت"، - دەدى بەيسەكەيەۆ.
قورعاۋشىلاردىڭ سوزىنە قاراعاندا، سوتقا دەيىن "قازاتومونەركاسىپ" ۇلتتىق كومپانياسى تاراپىنان ماتەريالدىق شىعىن كەلتىرگەنى تۋرالى ارىز-شاعىم تۇسپەدى. بۇگىنگى سوت وتىرىسىنا دا كومپانيانىڭ وكىلدەرى كەلگەن جوق.
"وسىنىڭ ءوزى كومپانيا تاراپىنان ارىز-شاعىمنىڭ جوق ەكەنىن كورسەتىپ وتىر. مۇحتار جاكىشيەۆ تۇرمەدە، ال "قازاتومونەركاسىپ" ۇلتتىق كومپانياسى بايىپ جاتىر"، - دەيدى قورعاۋشىلار.
دارىگەرلەر جاكىشيەۆتىڭ دەنساۋلىعىنا قاتىستى اقپاراتتى راستادى. تۇرمە وكىلدەرى دە جاكىشيەۆتى شارتتى ءتۇردى مەرزىمىنەن بۇرىن بوساتۋعا بولاتىنىن مالىمدەدى.
جاكىشيەۆ ءوز كەزەگىندە بۇعان دەيىن بولعان سوت وتىرىستارىن ەسكە الىپ، وزىنە تاعىلعان ايىپتاردىڭ نەگىزسىز ەكەنىن جەتكىزدى. ال پروكۋرور سوتتالعاندى مەرزىمىنەن بۇرىن بوساتۋعا قارسىلىق ءبىلدىردى. سوت جاكىشيەۆتىڭ ءوتىنىشىن قاناعاتتاندىرمادى.
ايتا كەتەيىك، مۇحتار جاكىشيەۆ 2009 جىلى مامىر ايىندا تۇتقىندالعان بولاتىن. كەلەسى جىلى ونى 14 جىلعا باس بوستاندىعىنىن ايىرۋ تۋرالى شەشىم شىعارىلدى. وتكەن جىلى تۇرمەدەگى مەرزىمنىڭ جارتىسىنان كوبى ءوتتى. وسىعان بايلانىستى جاكىشيەۆ شارتتى تۇردە مەرزىمىنەن بۇرىن بوساتۋعا ءوتىنىش ءبىلدىردى. الايدا سەمەي قالاسىنىڭ سوتى اتالعان ءوتىنىشى قولداعان جوق.
بىلتىر شىلدە ايىندا جاكىشيەۆتى سەمەيدەگى وۆ-156/14 كولونياسىنا اۋىستىردى. بۇعان دەيىن ول الماتى وبلىسىنداعى زارەچنىي اۋىلىندا جانە قاراعاندى وبلىسىنداعى دولينكا ەلدى مەكەنىندەگى تۇرمەدە وتىردى.
دەرەككوز: sputniknews.kz
