سوت "احۋال سەگودنيا" YouTube ارناسىنىڭ اۆتورى ازامات وماروۆقا قاتىستى بۇلتارتپاۋ شاراسىن جەڭٸلدەتۋدەن باس تارتتى, دەپ حابارلايدى dalanews.kz.
"زا نامي ۋجە ۆىەحالي" تەلەگرام ارناسىنىڭ مەلٸمەتٸنشە, ادۆوكاتتارى ونى قاماۋدان بوساتىپ, بۇلتارتپاۋ شاراسىن جەڭٸلدەتۋدٸ سۇراعان. الايدا سوت بۇل ٶتٸنٸشتٸ قاناعاتتاندىرمادى. بۇل تۋرالى وماروۆتىڭ جۇبايى ۆەنەرا مۋستافينا مەلٸمدەدٸ.
ونىڭ ايتۋىنشا, ٶزٸ تەرگەۋ يزولياتورىنا بارىپ, ازامات وماروۆپەن كەزدەسكەن. قازٸرگٸ ۋاقىتتا ول بەس ادامعا ارنالعان كامەرادا وتىر, وندا ٶزٸمەن بٸرگە تاعى ٷش ادام قاماۋدا.
ەسكە سالايىق, ازامات وماروۆ 18 شٸلدە كٷنٸ ٶز ٷيٸندە ۇستالعان بولاتىن. تٸنتۋ كەزٸندە كومپيۋتەرلەرٸ, قاتقىل ديسكٸلەرٸ مەن ۇيالى تەلەفوندارى تەركٸلەنگەن. كەيٸن استانا سوتى ونى ۇلتارالىق ارازدىقتى قوزدىردى دەگەن كٷدٸككە بايلانىستى ەكٸ ايعا قاماۋعا سانكتسييا بەرگەن.
