اقش-تا گەنەتيكالىق تۇرعىدا ٶزگەرتٸلگەن شوشقا بٷيرەگٸ ادام اعزاسىندا رەكوردتىق مەرزٸم – 271 كٷن جۇمىس ٸستەدٸ. بۇل تٸرٸ پاتسيەنتكە ترانسپلانتاتسييالانعان جانۋار مٷشەسٸنٸڭ ەڭ ۇزاق قىزمەت ەتۋ كٶرسەتكٸشٸ بولىپ وتىر, دەپ حابارلايدى dalanews.kz.
66 جاستاعى امەريكالىق تيم ەندريۋسكە وپەراتسييا 2025 جىلدىڭ قاڭتارىندا جاسالعان. سونىڭ ارقاسىندا ول توعىز اي بويى گەمودياليزسٸز ٶمٸر سٷرە الدى.
الايدا 271 كٷن ٶتكەن سوڭ ترانسپلانتاتسييالانعان بٷيرەك جۇمىسىن توقتاتىپ, دەرٸگەرلەر ونى الىپ تاستاعان. كەيٸن ناۋقاسقا ادام دونورىنان الىنعان بٷيرەك سەتتٸ تٷردە سالىندى.
وپەراتسييا كەزٸندە يۋكاتان تۇقىمدى شوشقانىڭ بٷيرەگٸ پايدالانىلعان. عالىمدار ونىڭ گەنومىنا 69 ارنايى ٶزگەرٸس ەنگٸزگەن.
مامانداردىڭ ايتۋىنشا, بۇل ٶزگەرٸستەر:
اعزانىڭ مٷشەنٸ كەرٸ قاعىپ تاستاۋ قاۋپٸن ازايتۋعا;
جانۋارلاردان ادامعا ۆيرۋستاردىڭ بەرٸلۋٸنٸڭ الدىن الۋعا مٷمكٸندٸك بەرەدٸ.
مەديتسينا ماماندارى بۇل جەتٸستٸكتٸ كسەنوترانسپلانتاتسييا سالاسىنداعى ماڭىزدى قادام دەپ باعالاپ وتىر. عالىمداردىڭ پٸكٸرٸنشە, بولاشاقتا مۇنداي تەحنولوگييا دونورلىق اعزالار تاپشىلىعى مەسەلەسٸن شەشۋگە كٶمەكتەسۋٸ مٷمكٸن.
