اسكەردە ورىن الىپ جاتقان فاكتىلەردىڭ بارلىعى دا سەبەپ ەمەس، سالدار. ال، سەبەپپەن كۇرەستە كەشەندى جوسپار مەن مەملەكەت دەڭگەيىندەگى اۋقىمدى شارالار قاجەت.
ق ر باس اسكەري پروكۋرورىنىڭ اقپاراتىنا سايكەس سوڭعى ءۇش جىلدا 237 اسكەري قىزمەتشى قايتىس بولعان. (2020 جىلى – 77 ادام، 2021 جىلى – 96 ادام، 2022 جىلى – 64 ادام).
ولاردىڭ 145-اسكەرگە كەلىسىم-شارتپەن كەلگەندەر، 59-وفيسەرلەر، 31- ساربازدار.
بۇل ازاماتتاردىڭ 89-ى ناۋقاستان كوز جۇمعان، 62ء-ى جول اپاتىنان، 50 ادام سۋيسيدتەن، ال 8 ادام وزگە سەبەپتەرمەن قايتىس بولعان. ەڭ كوپ، ياعني 89 ادام اۋىرىپ كوز جۇمعان. بۇدان اسكەرگە شاقىرىلاتىن جاستاردىڭ دەنساۋلىعى وتان الدىنداعى بورىشىن وتەۋگە جارامايدى. ءجاسوسپىرىمنىڭ ءتان مەن رۋح تاربيەسىندە قولعا الىنۋى ءتيىس جۇمىستار كوپ ەكەنىن كورسەتەدى.
مىسالى، 13-14 جاستاعى ەر بالالاردىڭ دەنساۋلىعى، ءتان ساۋلىعى، پسيحيكاسى، پسيحولوگياسى ۇنەمى باقىلاۋدا بولۋى كەرەك. اسكەرگە شاقىرۋ كوميسسياسىنىڭ الدىنا كەلگەنشە ول بالانىڭ بۇكىل پسيحو-فيزيكالىق پورترەتى، بارلىق اقپارات ارنايى ەلەكتروندى كىتاپشادا جينالىپ تۇرۋى ءتيىس. بۇل اقپارات ورتالىقتاندىرىلىپ ءتيىستى پلاتفورمادا ساقتالعانى ءجون.
قازىرگە كەزدە مىندەتتەلگەن كۆوتانى تولتىرۋ ءۇشىن اسكەر قاتارىنا دەنساۋلىعى جوق بوزبالالار دا كەتىپ جاتىر. ساربازدىڭ پسيحو-فيزيكالىق دەنساۋلىق جاعدايى – اسكەري ومىرگە بەيىمدەلۋدە ەڭ ماڭىزدى فاكتور. اسكەرگە دەيىنگى، ءجاسوسپىرىم شاقتان جينالعان، ساراپتالعان اقپارات سۋيسيدكە بارۋ، الىمجەتتىك كورسەتۋگە بەيىم ادامداردى ەرتە انىقتاپ، كوپتەگەن پروبلەمالاردىڭ الدىن الار ەدى دەپ ەسەپتەيمىز.
بۇل پروبلەمالاردىڭ بارلىعى اسكەري ماماندىق يەلەرىنىڭ ابىرويىنا، قوعام الدىنداعى مارتەبەسىنە نۇقسان كەلتىرەتىنى ءسوزسىز.
