قارجى نارىعىن رەتتەۋ جەنە دامىتۋ اگەنتتٸگٸ (قنردا) Solva ميكروقارجى ۇيىمىنىڭ بانككە اينالۋىنا رۇقسات بەرمەدٸ. ونىڭ ٷستٸنە قۇزىرلى ۆەدومستۆو اتالعان مقۇ-نىڭ جەكە ٸرٸ اكتسيونەرلەرٸ الەكساندر دۋناەۆ پەن بوريس باتينگە سول بانكتٸڭ ٸرٸ اكتسييالارىن ساتىپ الۋىنا دا رۇقسات ەتپەدٸ, دەپ جازادى Dalanews.kz.
اگەنتتٸك قابىلداعان بۇل شەشٸمدەرٸنە نە سەبەپ ەكەنٸن ناقتىلمادى.
ايتا كەتسەك, قىركٷيەك ايىندا اكتسيونەرلەر Solva-نى 7,4 ملرد تەڭگەگە قوسىمشا كاپيتالداندىردى. جىل باسىنان بەرٸ ولار كومپانييانىڭ جارعىلىق كاپيتالىن 11,8 ملرد تەڭگەگە تولىقتىرىپ, ونى 22,7 ملرد تەڭگەگە دەيٸن جەتكٸزدٸ. بۇل Solva-نى بانككە اينالدىرۋ اياسىندا جاسالعان ٸس-شارالار بولدى. سوندىقتان Solva 2025 جىلى بانك ليتسەنزيياسىن الۋى مٷمكٸن ەكەنٸ ايتىلىپ جٷر. الايدا بۇل ماقساتتىڭ تەز ورىندالا قوياتىن تٷرٸ جوق سەكٸلدٸ.
Solva Group Ltd. باس ديرەكتورى كونستانتين بارابانوۆ قۇزىرلى ۆەدومستۆونىڭ تەرٸس شەشٸمٸنە قاتىستى پٸكٸر بٸلدٸردٸ.
"باق ٶكٸلدەرٸ مەن ەرٸپتەستەرٸمٸزدٸڭ بٸزدٸڭ جاعدايىمىزعا كٶڭٸل بٶلٸپ, قولداۋ بٸلدٸرٸپ جاتقاندارى ٷشٸن العىس ايتامىز! بۇل جۇمىسىمىزداعى قالىپتى جاعداي – رەتتەۋشٸ ورگان قۇجاتتاردى زاڭنامادا بەلگٸلەنگەن مەرزٸمدە قاراستىرادى, ەگەر ٶتٸنٸم بەرگەن تاراپ, ياعني بٸز, بارلىق ەسكەرتۋلەردٸ دەر ۋاقىتىندا رەتتەپ ٷلگەرمەسەك, رەتتەۋشٸ ورگاننىڭ ٶتٸنٸشٸمٸزدٸ قابىلداماۋدان باسقا امالى جوق. دەگەنمەن بٸزدٸڭ ەدب-عا اينالۋعا قاتىستى جوسپارىمىز ٶزگەرگەن جوق, قۇجاتتاردى رەتتەپ, جاقىن ارادا ٶتٸنٸشٸتٸ قايتا جولدايمىز", — دەدٸ ول.
KASE مەلٸمەتٸنشە, 2024 جىلعى 1 قازانداعى جاعداي بويىنشا "ونلاين قازقارجى" مقۇ اكتسييالارىنىڭ 75%-ى "SOLVA CAPITAL" جشس-عا, 13%-ى SOLVA Group LTD جەكەمەنشٸك كومپانيياسىنا, 12%-ى Neo Crystal Holdings Ltd جەكەمەنشٸك كومپانيياسىنا تيەسٸلٸ. "بوريس باتين مەن الەكساندر دۋناەۆ مقۇ-داعى ەڭ ٸرٸ ٷلەستەرگە يە", دەلٸنگەن مقۇ-نىڭ 2023 جىلعى اۋديت ەسەبٸندە.
