وليمپيادا چەمپيونى ەلدوس سمەتوۆتىڭ جاتتىقتىرۋشىسى عالىمجان جىلگەلدييەۆتىڭ جالاقىسى 4 ميلليونعا كوبەيدى، - دەپ حابارلايدى Dalanews.kz قازاقپاراتقا سىلتەپ.
قىركۇيەكتەن باستاپ جىلگەلدييەۆتىڭ جالاقىسى 4 ميلليون تەڭگەگە كوبەيگەن. مۇنداي شەشىمدى جامبىل وبلىسىنىڭ ءماسليحاتى سەسسيا وتكەن اپتادا وتكەن وتىرىسىندا قابىلداعان.
مۇنداي شەشىم سپورت ىستەرى بويىنشا اگەنتتىك ءتوراعاسىنىڭ 28 شىلدەدەگى بۇيرىعىنا سايكەس شىعارىلعان. قىركۇيەك ايىنا دەيىن جىلگەلدييەۆتىڭ جالاقىسى 1 ميلليون تەڭگە بولعان.
جامبىل وبلىسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ ماماندارى جالاقىنىڭ ءوسۋى سپورتشىلاردىڭ الەمدىك جارىستاردا جۇلدەلەر الۋىنا بايلانىستى اۆتوماتتى قوسىمشا تولەم ەكەنىن اتاپ وتكەن.
ەلدوس سمەتوۆتىڭ جالاقىسىنا ازىرگە اقشا قوسىلماعان.
سمەتوۆ وبلىس اكىمىنىڭ شەشىمىنە سايكەس ەڭ جوعارى جالاقى الادى – 2 684 000 تەڭگە. ەندى جامبىل وبلىسىنىڭ سپورت باسقارماسى چەمپيوننىڭ جالاقىسىن كوتەرۋ ءۇشىن شەشىمگە وزگەرىستەر ەنگىزۋدە. بۇل كەلەسى جىلدان باستاپ قولعا الىنۋى مۇمكىن.
