مەجٸلٸس دەپۋتاتى, ۇلتتىق قۇرىلتاي جەنە پارلامەنتتەگٸ «AMANAT» پارتيياسى فراكتسيياسىنىڭ مٷشەسٸ ەدٸل جاڭبىرشين ماڭعىستاۋعا بارعان ساپارىنىڭ قورىتىندىسى تۋرالى جەلٸدە جازدى.
«ەلدٸڭ كٶڭٸلٸ رەفەرەندۋمعا دەيٸنگٸدەي ەمەس. جابىرقاۋ... كٷتكەن جاڭالىقتىڭ كٶڭٸلدەن شىقپاعانى كٶرٸنٸپ تۇر. شارىقتاپ كەتكەن باعا, تيتىقتاتقان جۇمىسسىزدىق, تەڭٸزدٸڭ قاسىندا وتىرىپ, اۋىزسۋعا جارىماۋ, ايتا بەرسەڭ پروبلەما شاش ەتەكتەن.
قۇرىلىس جۇمىستارىنا قارجى جەتٸسپەيدٸ, جوبالىق-سمەتالىق قۇجاتتار تٷگەلگە جۋىق كوررەكتيروۆكادان ٶتۋٸ كەرەك. وعان دا قارجى جەتٸسپەي جاتىرعانىن ايتادى قۇرىلىسشىلار. ارتى نە بولماق?
مەكتەپتەگٸ ساعات قىسقارتۋدان بوساعان مۇعالٸمدەر مەسەلەسٸ تاعى بار.
جانار-جاعارماي دەفيتسيتٸ. بٸز مۇناي مەن گازدىڭ ٷستٸندە وتىرعان ەلمٸز, ٷش مۇناي ٶڭدەۋ زاۋىتىمىز بار. بۇل قالاي سوندا?!
قانت تاپشىلىعى نەشە اي بولدى, ەلٸ رەتتەلگەن جوق, رەتتەلەتٸن تٷرٸ دە كٶرٸنبەيدٸ.
وسىلاردى جٷيەلٸ شەشۋگە باعىتتالعان جوبالار دا كٶرٸنبەيدٸ. بۇل بٸرەۋدٸ كٸنەلاۋ ەمەس, حالىقتىڭ ايتىپ وتىرعان –نازى مەن سىنى. ەل قاتتى قينالىپ وتىر. جاعداي «ەسكٸ قازاقستاننان دا» جامان بولىپ كەتتٸ دەپ ايتىپ وتىرعاندار بار.
مەنٸڭ ويىم ايتادى:
1. ەسكٸ جٷيەدە جۇمىس ٸستەپ قالعان شەنەۋنٸكتەر, جاڭا جاعدايعا بەيٸمدەلە الماي, جاڭاشا جۇمىس ٸستەي الماي وتىر. ەسكٸ «جيگۋلي» قانشا ەدەمٸلەسەڭ دە «تويوتا» بولا المايدى. قانشا رەت ايتتىق, جاڭا كادرلار كەرەك دەپ. بەرٸن جاسايتىن ادام, 8 ايدا ەشتەڭە جاساي الماعان ٷكٸمەت, ەندٸ بٸردەڭە قاتىرا قويادى دەگەنگە ٶز باسىم سەنبەيمٸن. رەنجٸمەسٸن جٸگٸتتەر.
2. ەلٸ كٷنگە دەيٸن ەكونوميكانى «جاۋلاپ» العان وليگارحتار كەتپەگەن. سول باياعى «ٶركەش مايدى» سورۋ جٷرٸپ جاتىر. بٸر سحەمادان, ەكٸنشٸ سحەماعا اۋىسىپ. ەيتپەسە كٷنٸ كەشە تىم جاقسى ساتىلىپ تۇرعان ديزەل وتىنى مەن بەنزين نەگە جوق? سول باياعى تاريفتەر, سول باياعى «وتكاتتار», سول باياعى جەمقورلىق, سول باياعى ەۋە بيلەتتەرٸنٸڭ قىمباتشىلىعى جەنە ت.س.س.
3. سابوتاج.
ەسكٸ كادرلار مەن ەكونوميكاعا كٸرٸپ العان «پارازيتتەر» مەملەكەت باسشىسىنىڭ حالىق الدىندا بەدەلٸن تٷسٸرٸپ, تاقتان تايدىرۋ.
الداعى ۋاقىتتا ولار ٶزدەرٸنٸڭ قۋاتتارى مەن رەسۋرستارى كٷيرەپ, حالىقتىڭ ەل-اۋقاتى ارتاتىنىن بٸلەدٸ. شامالارى كەلگەنشە قارسىلاسۋدا. قارسىلىق بارلىق سالادا جەنە دەڭگەيدە جٷرٸپ جاتىر.
نە ٸستەۋ كەرەك?
بيلٸكتٸڭ بارلىق تارماعىنا جاڭا, تازا ادامداردى ەكەلۋ قاجەت. تەك مەملەكەت مٷددەسٸن ويلايتىن. ونداي ازاماتتار 19 ميلليون حالىق ٸشٸنەن تابىلادى.
ەكٸنشٸ. «پارازيتتەردٸ» قۇرتۋ كەرەك, ەيتپەسە قوعامدا ٷلكەن «ەپيدەمييا» بولادى.
ٷشٸنشٸ. مۇنى تەز جاساۋ كەرەك. جاڭا جىلعا دەيٸن. شىدامنىڭ دا شەگٸ بار ەكەنٸن ۇمىتپاعان جٶن!», – دەيدٸ دەپۋتات
