قازاقستان پرەمەر-مينيسترىنىڭ ءبىرىنشى ورىنباسارى رومان سكليار جۇڭگو حالىق وكىلدەرى جينالىسى تۇراقتى كوميتەتىنىڭ ءتوراعاسى چجاو لەسزيمەن كەزدەستى، دەپ حابارلايدى Dala News.
كەزدەسۋ قىتايدىڭ حاينان پروۆينسياسىنداعى بواو قالاسىندا وتكەن ازيا فورۋمىنىڭ 25ء-شى سەسسياسى اياسىندا ءوتتى.
رومان سكليار قىتايلىق ارىپتەسىن «ەكى سەسسيانىڭ» ءساتتى وتۋىمەن جانە قىتايدىڭ 2026–2030 جىلدارعا ارنالعان الەۋمەتتىك-ەكونوميكالىق دامۋ جوسپارىنىڭ قابىلدانۋىمەن قۇتتىقتادى.
سونداي-اق ول قازاقستاندا 15 ناۋرىزدا وتكەن رەفەرەندۋم ناتيجەسىندە جاڭا كونستيتۋسيا قابىلدانعانىن اتاپ ءوتىپ، بۇل ەل دامۋى ءۇشىن ماڭىزدى قادام ەكەنىن ايتتى.
كەزدەسۋ بارىسىندا تاراپتار قازاقستان مەن جۇڭگو اراسىنداعى پارلامەنتارالىق بايلانىستاردىڭ نىعايۋىن، ساۋدا-ەكونوميكالىق ىنتىماقتاستىقتىڭ قارقىندى دامۋىن، سونداي-اق ينۆەستيسيا، كولىك جانە ەنەرگەتيكا سالالارىنداعى ءوزارا ءىس-قيمىلدى تالقىلادى.
ءوز كەزەگىندە چجاو لەسزي قازاقستانمەن جوعارى دەڭگەيدەگى سەنىمگە نەگىزدەلگەن ستراتەگيالىق ارىپتەستىككە جۇڭگو ەرەكشە ءمان بەرەتىنىن ايتتى.
ول سونداي-اق پرەزيدەنت قاسىم-جومارت توقايەۆ باستاماشىلىق ەتكەن رەفورمالاردى قولدايتىنىن جەتكىزدى.
تاراپتار بۇۇ، شىۇ، اوسشك جانە «ورتالىق ازيا – جۇڭگو» فورماتتارىنداعى كوپجاقتى ىنتىماقتاستىقتىڭ ماڭىزىن اتاپ ءوتتى.
