الماتىداعى ەل-فارابي داڭعىلىندا بولعان جانتٷرشٸگەرلٸك جول اپاتىنان كەيٸن دەپۋتات مۇرات ەبەنوۆ قالاداعى تەرتٸپ پەن جاۋاپكەرشٸلٸك مەسەلەسٸن اشىق كٶتەردٸ, دەپ حابارلايدى Dala News.
ونىڭ ايتۋىنشا, بۇل قايعىلى جاعداي كەزدەيسوق ەمەس جەنە الدىن الۋعا بولاتىن ەدٸ.
«بۇل تٶرت بٸردەي كٸنەسٸز ادامنىڭ ٶمٸرٸن قيعان اپات. بۇل كٶلٸكتٸ ويىنشىققا اينالدىرعان ادامداردىڭ سالدارى. ولار ٷشٸن جولداعى باسقا ادامدار جاي عانا ويىن. مەن بٷگٸن ٸسساپارمەن الماتىعا كەلٸپ, ٶز كٶزٸممەن بۇل زاڭسىزدىقتىڭ ەلٸ دە جالعاسىپ جاتقانىن كٶردٸم. نەبەرٸ 30–40 مينۋت ٸشٸندە ەل-فارابي داڭعىلىمەن جٷرٸپ ٶتتٸم. وسى جەردەن شامامەن 500 مەتر نەمەسە 1 شاقىرىم جەردە بولعان اپاتتى بٸلە تۇرا, دەل سول كٶشەدە كٶلٸكتەردٸڭ ەلٸ دە جوعارى جىلدامدىقپەن جٷيتكٸپ جٷرگەنٸن كٶردٸم», دەدٸ دەپۋتات.
ول قالادا زاڭسىز جارىستار اشىق تٷردە ٶتٸپ جاتقانىن اتاپ ٶتتٸ.
«الماتى تۇرعىندارىنىڭ كٶبٸ بٸلەدٸ كەشكە قاراي ەل-فارابي داڭعىلى زاڭسىز جارىس ٶتەتٸن ورىنعا اينالادى. بۇل قوعام ٷشٸن ٶتە قاۋٸپتٸ. پوليتسييا مۇنى بٸلەدٸ. كامەرالار بار. قانداي كٶلٸكتەر, كٸمدەر قاتىساتىنى دا بەلگٸلٸ. بٸراق ەشكٸم توقتاتپايدى. كٶلٸكتەر تەركٸلەنبەيدٸ, جٷرگٸزۋشٸلەر جازالانبايدى. سەبەبٸ ولار ىقپالدى ادامداردىڭ بالالارى نەمەسە باي ادامدار. سوندا زاڭ تەك قاراپايىم حالىققا عانا ما», دەدٸ ەبەنوۆ.
دەپۋتات قۇقىق قولدانۋداعى قوس ستاندارتتى سىنعا الدى.
«قاراپايىم ادام از عانا الكوگول ٸشسە بٸردەن 15 تەۋلٸككە قامالىپ, جٷرگٸزۋشٸ كۋەلٸگٸنەن ايىرىلادى. ال سانالى تٷردە 200 كم ساع جىلدامدىقپەن قالا ٸشٸندە جارىس ۇيىمداستىرىپ, ادام ٶمٸرٸنە قاۋٸپ تٶندٸرگەندەرگە ەش شارا قولدانىلمايدى. بۇل ەدٸلەتسٸزدٸك. قۇرمەتتٸ مينيستر ەرجان سادەنوۆ, سٸزدٸڭ الماتىداعى ٶكٸلٸڭٸز ٶز مٸندەتٸن اتقارا الماي وتىر. قالادا تەرتٸپ جوق. ەل-فارابي داڭعىلى تٷندە زاڭسىز جارىس الاڭىنا اينالادى. بۇل بولاشاقتاعى جاڭا قايعىلى وقيعالاردىڭ باستاماسى. زاڭ بولۋى كەرەك. جەنە ول بەرٸنە بٸردەي قولدانىلۋى تيٸس», دەدٸ ول.
