بٸراق ۆيتسە-پرەمەر "ارسەلورميتتال تەمٸرتاۋ" كەسٸپورنىنا ٶزگە ينۆەستوردى تارتۋ جۇمىستارى جٷرٸپ جاتقانىن راستادى. بٸراق ناقتى ينۆەستورلاردىڭ اتىن اتامادى.
– بۇل كەسٸپورىندا (امت) بولىپ جاتقان قايعىلى وقيعالار ەرينە, بٸزدٸ الاڭداتىپ وتىر. سوندىقتان ٶندٸرٸسكە تيٸستٸ قاراجات سالىپ, تيٸمدٸ جۇمىس ٸستەي الاتىن ٶزگە ينۆەستورلاردى تارتۋ جۇمىستارى جٷرٸپ جاتىر. ەڭبەك قاۋٸپسٸزدٸگٸنە قاتتى كٶڭٸل بٶلەمٸز, – دەدٸ اقوردادا جۋرناليستەردٸڭ سۇراقتارىنا جاۋاپ بەرگەن رومان سكليار.
جۋىردا 17 تامىزدا قاراعاندى وبلىسى شاحتينسكٸدەگٸ "ارسەلورميتتال تەمٸرتاۋعا" تيەسٸلٸ "قازاقستان" شاحتاسىندا ٶرت شىعىپ, 5 ادام قازا بولعان ەدٸ. اپاتتان كەيٸن قازاقستان بيلٸگٸ "ارسەلورميتتال تەمٸرتاۋدى" ٶندٸرٸستٸ جاڭارتۋ جەنە ينۆەستيتسييا تارتۋ مەسەلەسٸ بويىنشا العان مٸندەتتەمەلەرٸن ورىندامادى دەپ ايىپتادى.
بۇعان دەيٸن قارجى مينيسترٸ ەرۇلان جاماۋباەۆ "ارسەلورميتتال تەمٸرتاۋدىڭ" ەلدەن كەتۋٸ بويىنشا ساياسي شەشٸم قابىلدانىپ قويعانىن ايتقان.
