Biraq vitse-premer "ArselorMittal Temirtaý" kásipornyna ózge investordy tartý jumystary júrip jatqanyn rastady. Biraq naqty investorlardyń atyn atamady.
– Bul kásiporynda (AMT) bolyp jatqan qaiǵyly oqiǵalar árine, bizdi alańdatyp otyr. Sondyqtan óndiriske tiisti qarajat salyp, tiimdi jumys istei alatyn ózge investorlardy tartý jumystary júrip jatyr. Eńbek qaýipsizdigine qatty kóńil bólemiz, – dedi Aqordada jýrnalisterdiń suraqtaryna jaýap bergen Roman Skliar.
Jýyrda 17 tamyzda Qaraǵandy oblysy Shahtinskidegi "ArselorMittal Temirtaýǵa" tiesili "Qazaqstan" shahtasynda órt shyǵyp, 5 adam qaza bolǵan edi. Apattan keiin Qazaqstan biligi "ArselorMittal Temirtaýdy" óndiristi jańartý jáne investitsiia tartý máselesi boiynsha alǵan mindettemelerin oryndamady dep aiyptady.
Buǵan deiin qarjy ministri Erulan Jamaýbaev "ArselorMittal Temirtaýdyń" elden ketýi boiynsha saiasi sheshim qabyldanyp qoiǵanyn aitqan.
