سىرتقى ٸستەر مينيسترٸ ورىس دەپۋتاتتارىنىڭ مەلٸمدەمەلەرٸنە تٷسٸنٸك بەردٸ
ونىڭ ايتۋىنشا, دەپۋتات نيكونوۆتىڭ مەلٸمدەمەسٸنەن كەيٸن رەسەي فەدەراتسيياسى ەلشٸلٸگٸنٸڭ ۋاقىتشا ٶكٸلٸ سىرتقى ٸستەر مينيسترلٸگٸنە شاقىرىلعان, ٶيتكەنٸ ەلشٸ ول كەزدە مەسكەۋدە ٸسساپارمەن جٷرگەن. وسىدان كەيٸن بۇل مەلٸمدەمە بويىنشا رەسەيگە نوتا جولداندى.
قولدانىستاعى تەجٸريبەگە سەيكەس, ولار رەسمي تٷردە جاۋاپ بەرمەيدٸ, بٸراق ٶزدەرٸ قابىلداعان شارالار تۋرالى ەسەپ بەرەدٸ. ولار (ەلشٸلٸك) پارلامەنت پەن پرەزيدەنت ەكٸمشٸلٸگٸنە حابارلاسىپ, مۇنداي سٶزدەردٸ سىنعا الدى. ەرينە, بۇل سٶزدەر مەنٸ قازاق, قازاقستاننىڭ ازاماتى رەتٸندە قاتتى نامىسىما تيدٸ. وتانىمىزدىڭ تاريحىن بٸلەتٸن ادام رەتٸندە بۇعان مەن ورىس تٸلٸندە بىلاي دەپ جاۋاپ بەرەر ەدٸم: "ەتو برەد سيۆوي كوبىلى" (تٸكەلەي اۋدارماسى - كٶك بيەنٸڭ ساندىراعى). ەڭ الدىمەن, تاريحقا ارقا سٷيەۋ كەرەك. سىرتقى ٸستەر مينيسترٸ رەتٸندە مۇنىڭ رەسەي فەدەراتسيياسىنىڭ رەسمي ۇستانىمىنا سەيكەس كەلمەيتٸندٸگٸن ايتقىم كەلەدٸ, - دەدٸ مۇحتار تٸلەۋبەردٸ مەجٸلٸستٸڭ جالپى وتىرىسىندا.
سىرتقى ٸستەر مينيسترٸ زاڭنامالىق دەڭگەيدە مەملەكەتتٸك شەكارا دەليميتاتسييالانعانىن, زاڭنامالىق دەڭگەيدە قازاقستان مەن رەسەي اراسىندا ەكٸجاقتى كەلٸسٸمگە قول قويىلعانىن دا باسا ايتتى.
قازٸر بٸز مەملەكەتتٸك شەكارانى بەلگٸلەپ جاتىرمىز, پاندەميياعا بايلانىستى بۇل پروتسەسس توقتاتىلدى, سوندىقتان بٸز ٷش جىل ٸشٸندە دەماركاتسييانى اياقتايمىز. ەكٸ مەملەكەت اراسىندا ستراتەگييالىق سەرٸكتەستٸك قالىپتاستى. بۇل بارلىق ەكٸجاقتى قۇجاتتاردا ايقىن كٶرٸنٸس تاپقان, سوندىقتان بٸز رەسەي فەدەراتسيياسىمەن قاتىناستارىمىزدى حالىقارالىق قۇقىق نەگٸزٸندە دامىتاتىن بولامىز, - دەپ سٶزٸن قورىتىندىلادى مينيستر.
12 جەلتوقساندا قر سىرتقى ٸستەر مينيسترلٸگٸ رەسەيگە مەملەكەتتٸك دۋماسىنىڭ دەپۋتاتى ۆياچەسلاۆ نيكونوۆتىڭ "قازاقستان تەرريتوريياسى - رەسەيدٸڭ تارتۋ ەتكەن كەرەمەت سىيى" دەگەن مەلٸمدەمەسٸنە بايلانىستى نوتا تاپسىردى.
قر سىرتقى ٸستەر مينيسترٸنٸڭ ورىنباسارى مارات سىزدىقوۆ رەسەي فەدەراتسيياسىنىڭ ۋاقىتشا سەنٸمدٸ ٶكٸلٸ الەكساندر كوماروۆپەن كەزدەسۋ كەزٸندە بۇل مەلٸمدەمەگە تاڭ قالىسىن بٸلدٸردٸ. قازاقستاننىڭ سىرتقى ٸستەر مينيسترلٸگٸ كەيبٸر رەسەيلٸك ساياساتكەرلەردٸڭ قازاقستانعا قاتىستى جيٸ-جيٸ ارانداتۋشىلىق شابۋىلدارى مەملەكەتتەر اراسىنداعى وداقتاستىق قاتىناستارعا ٷلكەن زييان كەلتٸرٸپ وتىرعانىن اتاپ ٶتتٸ.
نيكونوۆتىڭ ٶزٸ ٶزٸنٸڭ Telegram-كانالىندا "قازاقستان رەسپۋبليكاسىنىڭ شەكاراسىنا اينالعان قازاق كسر-نٸڭ شەكارالارىن انىقتاعاندا قازاقستاننىڭ مٷددەلەرٸ تولىعىمەن ساقتالدى" دەپ جازدى جەنە ول "بولشايا يگرا" باعدارلاماسىندا تۋرا وسىنى ايتقىسى كەلگەنٸن جەتكٸزدٸ. ول سونداي-اق "باۋىرلاس قازاقستان حالقىنا دەگەن ىقىلاسى ىستىق ەكەنٸن" بٸلدٸردٸ.
كەيٸن مەملەكەتتٸك دۋما رەسەي قازاقستاننىڭ ەگەمەندٸگٸن تولىعىمەن مويىندايتىنىن, ەكٸ ەل ەرتٷرلٸ سالاداعى دوستىق جەنە سەرٸكتەستٸك بايلانىستاردى جاقتايتىندىعىن, سوندىقتان مەملەكەتتٸك دۋمانىڭ دەپۋتاتى ۆياچەسلاۆ نيكونوۆتىڭ مەلٸمدەمەلەرٸنە قاتىستى تۋىنداعان ىڭعايسىز جاعداي رەتتەلەدٸ دەپ مەلٸمدەدٸ.
