سىرتقى ٸستەر مينيسترلٸگٸ دۋبايداعى Fairmont The Palm كەشەنٸندە قازاقستاندىقتارعا تيەسٸلٸ پەتەرلەر تۋرالى ناقتى اقپارات جوق ەكەنٸن مەلٸمدەدٸ, دەپ حابارلايدى Dala news.
بۇعان دەيٸن جۋرناليست ماناس قايىرتاي 2022 جىلعى C4ADS ۇيىمىنىڭ ەسەبٸنە سٸلتەمە جاساپ, اتالعان كەشەننەن قازاقستاندىقتار شامامەن 97 پەتەر ساتىپ العانىن حابارلاعان ەدٸ.
الايدا سىرتقى ٸستەر مينيسترٸنٸڭ ورىنباسارى ەلٸبەك باقاەۆ بۇل مەسەلەگە قاتىستى ازاماتتاردان ەشقانداي ٶتٸنٸش تٷسپەگەنٸن ايتتى.
«بٸزدە بۇل جىلجىمايتىن مٷلٸكتٸڭ ناقتى كٸمگە تيەسٸلٸ ەكەنٸ تۋرالى اقپارات جوق. جالپى دۋبايدا جەنە تاياۋ شىعىستا قازاقستان ازاماتتارى تۇرادى. بٸراق كٸمنٸڭ قاي ٷيدە تۇراتىنى جٶنٸندە مەلٸمەت بٸزدە جوق», — دەدٸ ول ٷكٸمەتتەگٸ بريفينگتە.
مينيسترلٸك شەتەلدەگٸ ازاماتتاردىڭ جەكە مٷلكٸ تۋرالى دەرەكتەردٸ جٷيەلٸ تٷردە جٷرگٸزبەيتٸنٸن اتاپ ٶتتٸ.
