قازاقستاننىڭ سىرتقى ٸستەر مينيسترلٸگٸ رەسەيدٸڭ التاي رەسپۋبليكاسىندا بولعان جول اپاتىنان زارداپ شەككەن قازاقستان ازاماتتارىنا كونسۋلدىق-قۇقىقتىق كٶمەك كٶرسەتٸپ, قازا تاپقانداردىڭ مەيٸتٸن ەلگە جەتكٸزۋ جۇمىستارىن ۇيىمداستىرىپ جاتىر, دەپ حابارلايدى dalanews.kz.
مينيسترلٸكتٸڭ مەلٸمەتٸنشە, قازاقستاندىق ديپلوماتتار جەرگٸلٸكتٸ بيلٸك ورگاندارىمەن, مەديتسينالىق مەكەمەلەرمەن جەنە زارداپ شەككەندەردٸڭ تۋىستارىمەن جەدەل بايلانىس ورناتقان.
قازٸرگٸ ۋاقىتتا زارداپ شەككەن ازاماتتارعا قاجەتتٸ كونسۋلدىق-قۇقىقتىق كٶمەك كٶرسەتٸلٸپ, قازا تاپقانداردىڭ مەيٸتٸن قازاقستانعا جەتكٸزۋ مەسەلەسٸ پىسىقتالۋدا. ۆەدومستۆو بۇل مەسەلە ەرەكشە باقىلاۋدا ەكەنٸن اتاپ ٶتتٸ.
ەسكە سالايىق, جول-كٶلٸك وقيعاسى 27 شٸلدە كٷنٸ رەسەيدٸڭ التاي رەسپۋبليكاسىنداعى ۇلاعان اۋدانىندا بولعان. جول اپاتى سالدارىنان قازاقستاننىڭ ەكٸ ازاماتى وقيعا ورنىندا كٶز جۇمدى.
تاعى بٸر قازاقستاندىق تٷرلٸ دەرەجەدەگٸ جاراقات الىپ, گورنو-التايسك قالاسىنداعى رەسپۋبليكالىق كلينيكالىق اۋرۋحاناعا شۇعىل جەتكٸزٸلگەن.
سىرتقى ٸستەر مينيسترلٸگٸ رەسەي تاراپىنىڭ قۇزىرلى ورگاندارىمەن, دەرٸگەرلەرمەن جەنە زارداپ شەككەندەردٸڭ تۋىستارىمەن تۇراقتى بايلانىس جالعاسىپ جاتقانىن مەلٸمدەدٸ.
