جارىستىڭ اشىلۋ سالتاناتىندا شۋ اۋداندىق ارداگەرلەر كەڭەسىنىڭ ءتوراعاسى قازاقباي بايجۇمانوۆ جانە شۋ قالالىق ارداگەرلەر كەڭەسىنىڭ ءتوراعاسى قۋانىشبەك قارعابايەۆ ءسوز سويلەپ، جارىسقا قاتىسۋشى ارداگەرلەرگە ساتتىلىك تىلەدى. اتالمىش سپورتتىق شارادا اۋدان ارداگەرلەرى بارىنشا بەلسەندىلىك تانىتىپ، بۇگىنگى بۋىنعا ۇلگى بولارلىقتاي ويىن ورنەگىن كورسەتتى. جارىس قورىتىندىسى بويىنشا، باسەكەدە باعى جانعان ارداگەر-سپورتشىلار اۋدان اكىمدىگىنىڭ دەنە شىنىقتىرۋ جانە سپورت ءبولىمى تاراپىنان دايىندالعان ارنايى ديپلومدارمەن جانە باعالى سىيلىقتارمەن ماراپاتتالدى.
سونىمەن قاتار، اۋدان ورتالىعىندا ورنالاسقان «سارى حاسەنوۆ» اتىنداعى ستاديونىندا ەلباسىنىڭ «بولاشاققا باعدار: رۋحاني جاڭىرۋ» اتتى ماقالاسى اياسىندا جانە جاستار جىلىنا وراي شۋ اۋدانىنداعى فۋتبول ماۋسىمىنىڭ اشىلۋ سالتاناتى بولىپ ءوتتى. اتالعان شارا بارىسىندا شۋ اۋداندىق فۋتبول فەدەراسياسىنىڭ پرەزيدەنتى، اۋدان سپورتىنىڭ جاناشىرى ەربولات دوسىمبايەۆ پەن اۋدان اكىمدىگىنىڭ دەنە شىنىقتىرۋ جانە سپورت ءبولىمىنىڭ باسشىسى قاسىمحان ماۋلەنوۆ ءسوز سويلەپ، فۋتبول ماۋسىمىنىڭ اشىلۋىمەن قۇتتىقتادى. بۇدان كەيىن الادوپ باسەكەسىنىڭ اشىلۋ سالتاناتىنا جينالعان كوماندالاردىڭ اراسىندا ۇلكەن فۋتبولدان اۋداندىق جارىس ۇيىمداستىرىلدى. ايتا كەتۋىمىز كەرەك، بۇل جارىس ماۋسىم اياقتالعانعا دەيىن جالعاسىپ، جىل سوڭىندا بارلىق قارسىلاستارىنان باسىم تۇسكەن كوماندا ارنايى جۇلدەنى قانجىعالارىنا بايلايتىن بولادى. ال، العاشقى اينالىمنىڭ وزىندە-اق العىرلىق تانىتقان كوماندالار مەن ۇزدىك ويىن ورنەگىن كورسەتكەن ويىنشىلار اۋدان اكىمدىگىنىڭ دەنە شىنىقتىرۋ جانە سپورت ءبولىمىنىڭ ارنايى ديپلومدارى مەن باعالى سىيلىقتارىنا يە بولدى.
شۋ اۋدانى
