Elbasy Nursultan Nazarbaevtyń «Bolashaqqa baǵdar: Rýhani jańyrý» atty maqalasyn júzege asyrý maqsatynda jáne Uly Otan soǵysynyń 74 jyldyǵyna orai, jýyrda aýdan ardagerleri arasynda aýdandyq týrnir ótkizildi. Shý qalasyndaǵy «Lokomotiv» stadionynda uiymdastyrylǵan týrnirge birqatar ardagerler qatysyp, olar sporttyń 8 túri boiynsha synǵa tústi. Atap aitar bolsaq, shahmat, doiby, toǵyzqumalaq, sporttyq júris, asyq atý, ústel tennisi, darts jáne voleibol syndy sport túrlerinen óz baqtaryn synady.
Jarystyń ashylý saltanatynda Shý aýdandyq ardagerler keńesiniń tóraǵasy Qazaqbai Baijumanov jáne Shý qalalyq ardagerler keńesiniń tóraǵasy Qýanyshbek Qarǵabaev sóz sóilep, jarysqa qatysýshy ardagerlerge sáttilik tiledi. Atalmysh sporttyq sharada aýdan ardagerleri barynsha belsendilik tanytyp, búgingi býynǵa úlgi bolarlyqtai oiyn órnegin kórsetti. Jarys qorytyndysy boiynsha, básekede baǵy janǵan ardager-sportshylar aýdan ákimdiginiń dene shynyqtyrý jáne sport bólimi tarapynan daiyndalǵan arnaiy diplomdarmen jáne baǵaly syilyqtarmen marapattaldy.
Sonymen qatar, aýdan ortalyǵynda ornalasqan «Sary Hasenov» atyndaǵy stadionynda Elbasynyń «Bolashaqqa baǵdar: Rýhani jańyrý» atty maqalasy aiasynda jáne Jastar jylyna orai Shý aýdanyndaǵy fýtbol maýsymynyń ashylý saltanaty bolyp ótti. Atalǵan shara barysynda Shý aýdandyq fýtbol federatsiiasynyń prezidenti, aýdan sportynyń janashyry Erbolat Dosymbaev pen aýdan ákimdiginiń dene shynyqtyrý jáne sport bóliminiń basshysy Qasymhan Máýlenov sóz sóilep, fýtbol maýsymynyń ashylýymen quttyqtady. Budan keiin aladop básekesiniń ashylý saltanatyna jinalǵan komandalardyń arasynda úlken fýtboldan aýdandyq jarys uiymdastyryldy. Aita ketýimiz kerek, bul jarys maýsym aiaqtalǵanǵa deiin jalǵasyp, jyl sońynda barlyq qarsylastarynan basym túsken komanda arnaiy júldeni qanjyǵalaryna bailaityn bolady. Al, alǵashqy ainalymnyń ózinde-aq alǵyrlyq tanytqan komandalar men úzdik oiyn órnegin kórsetken oiynshylar aýdan ákimdiginiń dene shynyqtyrý jáne sport bóliminiń arnaiy diplomdary men baǵaly syilyqtaryna ie boldy.
Shý aýdany
