شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ ٷلكەن نارىن اۋىلىنا جۇمىس ساپارى بارىسىندا ٶڭٸردە, سونىڭ ٸشٸندە اۋدان ورتالىقتارى مەن اۋىلداردا تۋريزمدٸ دامىتۋدا جول بويى سەرۆيسٸ ماڭىزدى رٶل اتقاراتىنىن اتاپ ٶتتٸ, – دەپ حابارلايدى Dalanews.kz
ماڭىزدى قادامداردىڭ بٸرٸ رەتٸندە ٷلكەن نارىن اۋدانى ەكٸمدٸگٸ مەن «قازاۆتوجول» اق بٸرلەسكەن جوباسى اياسىندا جول بويى سەرۆيستٸك نىساننىڭ اشىلۋىن ايتۋعا بولادى. بۇل جوبا اۋدان ينفراقۇرىلىمىن جاقسارتۋعا, تۋريزمدٸ دامىتۋعا قوسىمشا مٷمكٸندٸكتەر جاساۋعا باعىتتالعان.
سونىمەن قاتار, جاڭا جۇمىس ورىندارىن اشۋ جەنە جەرگٸلٸكتٸ كەسٸپكەرلەردٸ قولداۋ كٶزدەلۋدە.
«تۋريزمدٸ دامىتۋ ٷشٸن ەڭ الدىمەن جول, ينفراقۇرىلىم جەنە جول بويى سەرۆيستٸك قىزمەتتەر قاجەت. ٶتكەن جىلى وبلىس بويىنشا 710 شاقىرىم جول جٶندەلدٸ, بيىل تاعى 870 شاقىرىم جولدى جٶندەۋدٸ جوسپارلاپ وتىرمىز. جەرگٸلٸكتٸ اتقارۋشى ورگاندار جول بويى سەرۆيستٸك نىساندارعا ەلەكتر قۋاتى, اۋىز سۋ, كەرٸز جٷيەسٸن جەتكٸزەدٸ, ال "قازاۆتوجول" ايالداپ, دەمالىپ, شاي, كوفە ٸشۋگە بولاتىن پاۆيلون كەشەندەرٸن ورناتادى», – دەدٸ وبلىس ەكٸمٸ.
جول بويى سەرۆيستٸك كەشەندە تٷرلٸ كوفە تٷرلەرٸ مەن قوسپالارى ۇسىنىلاتىن ەكسپرەسس-كافە, دەستٷرلٸ رەتسەپت بويىنشا دايىندالعان بالعىن نان-توقاشتار, ازىق-تٷلٸك پەن كٷندەلٸكتٸ قاجەتتٸ تاۋارلار دٷكەنٸ بار.
بۇدان بٶلەك, كەشەندە مٷمكٸندٸگٸ شەكتەۋلٸ جاندارعا ارنالعان سانيتارلىق ايماقتارى بار كٶپ ورىندى ەجەتحانالار, انا مەن بالا بٶلمەسٸ جەنە ناماز وقۋعا ارنالعان ارنايى بٶلمە قاراستىرىلعان.
ەكٸمنٸڭ ايتۋىنشا, وسىنداي جول بويى سەرۆيستٸك كەشەندەر وبلىستىڭ باسقا دا جولدارىندا, شامامەن ەربٸر 50–60 شاقىرىم سايىن ورناتىلاتىن بولادى.
