«تابيعي مونوپوليالار تۋرالى» زاڭعا سايكەس باسەكەلەس كىرمە جول بولماعان كەزدە ونى ۇسىنۋ بويىنشا قىزمەتتەر كورسەتەتىن جولدىڭ مەنشىك يەسى ۋاكىلىتتى ورگانعا تابيعي مونوپوليالار سۋبەكتىلەرىنىڭ مەملەكەتتىك تىركەلىمىنە ەنگىزۋ تۋرالى ءوتىنىش بەرۋگە مىندەتتى.
وسى تىركەلىمگە ەنگىزىلمەگەن تۇلعالاردىڭ وسى قىزمەتتەردى كورسەتۋىنە جول بەرىلمەيدى.
الايدا «تابىس TRADE» ج ش س تەمىر جول جالعاۋ جولدارىنىڭ مەنشىك يەسى بولا وتىرىپ، تابيعي مونوپوليالار سۋبەكتىلەرىن مەملەكەتتىك تىركەۋدە تۇرعان جوق، سونداي-اق كونتراگەنتتەردەن ءوز جولدارىمەن جۇرگەنى ءۇشىن ارتىق تولەم الدى.
پروكۋراتۋرانىڭ قابىلداعان شارالارىمەن وسى ۇيىم تابيعي مونوپوليالار سۋبەكتىلەرىنىڭ مەملەكەتتىك تىركەلىمىنە ەنگىزىلدى.
سونىمەن قاتار، ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ شىعىس قازاقستان وبلىسى بويىنشا دەپارتامەنتى «ۋلبا جد» ج ش س ءتاريفىن 16،3%-قا تومەندەتتى.
وسىلايشا، كولىك پروكۋرورلارى 2 جىل بويى كىرمە جولداردى نەگىزسىز جوعارى تاريفتەر بويىنشا پايدالانعان 18 بيزنەس سۋبەكتىسىنىڭ قۇقىقتارىن قورعادى. اتالعان كاسىپكەرلەرمەن ارتىق تولەم سوماسى قايتا ەسەپتەلدى.
بيزنەس سۋبەكتىلەرىنىڭ قۇقىقتارىن بۇزۋ فاكتىلەرى تۋرالى شىعىس قازاقستان كولىك پروكۋراتۋراسىنا (وسكەمەن قالاسى، ۋۆالييەۆا كوشەسى،4) 8(7232)61-40-69 «جەدەل جەلى» تەلەفونى ارقىلى حابارلاۋدى سۇرايمىز.
