شىعىس قازاقستاندا وبلىس اكىمىنىڭ تاپسىرماسىنا سايكەس، دارىگەرلەردى كەشەندى وقىتۋدى قاراستىراتىن، ايماقتىڭ دەنساۋلىق ساقتاۋ جۇيەسىن دامىتۋ بويىنشا ۇزاق مەرزىمدى دامۋ جوسپارۋ ازىرلەنۋدە.
بۇل جەردە – ونكولوگيا، كارديولوگيا، انا مەن بالا دەنساۋلىعى سياقتى باسىم باعىتتارعا ەرەكشە كوڭىل بولىنۋدە. اتالعان ءىس-شارا جەرگىلىكتى بيۋدجەت قاراجاتى ەسەبىنەن ءۇش جىل مەرزىم ىشىندە شەتەلدە مەن مەملەكەت ىشىندە جوعارى دەڭگەيدەگى دارىگەرلەردى دايىنداۋعا مۇمكىندىك تۋعىزادى. ءۇش جىلدىڭ ىشىندە شقو دەنساۋلىق ساقتاۋ جۇيەسىنىڭ 150 مامانى الەمنىڭ ۇزدىك كلينيكالارىندا تالىمگەرلىكتەن وتەتىن بولادى. ونكولوگتاردىڭ ءبىرىنشى توبى ۇستىمىزدەگى جىلدىڭ 19 ماۋسىم كۇنى بارۋدى جوسپارلاپ وتىر.
– ەۋروپانىڭ ۇزدىك كلينيكالارىندا ءبىلىم دەڭگەيىن كوتەرگەن ماماندار، الدىڭعى قاتارلى تەحنولوگيالاردى پايدالانا وتىرىپ، ساپالى مەديسينالىق كومەكتى كورسەتۋمەن قاتار، ءوز ارىپتەستەرىن ۇيرەتۋ قاجەت، – دەپ اتاپ ءوتتى دانيال احمەتوۆ، كەڭەيتىلگەن اپپارات جينالاسىندا.
سونىمەن قاتار اۋرۋحانالار ونكولوگيالىق، قان اينالىمى جۇيەسى جانە انا مەن بالا اۋرۋلاردىن الدىن الۋ مەن ەمدەۋگە ارنالگان وزىق قوندىرعىلارمەن جابدىقتالاتىن بولادى. ول ءۇشىن ايماقتا التى ميلليارد تەنگە قاراستىرىلعان.
شقو اكىمىنىڭ باسپا ءسوز قىزمەتى
