Bul jerde – onkologiia, kardiologiia, ana men bala densaýlyǵy siiaqty basym baǵyttarǵa erekshe kóńil bólinýde. Atalǵan is-shara jergilikti biýdjet qarajaty esebinen úsh jyl merzim ishinde shetelde men memleket ishinde joǵary deńgeidegi dárigerlerdi daiyndaýǵa múmkindik týǵyzady. Úsh jyldyń ishinde ShQO densaýlyq saqtaý júiesiniń 150 mamany álemniń úzdik klinikalarynda tálimgerlikten ótetin bolady. Onkologtardyń birinshi toby ústimizdegi jyldyń 19 maýsym kúni barýdy josparlap otyr.
– Eýropanyń úzdik klinikalarynda bilim deńgeiin kótergen mamandar, aldyńǵy qatarly tehnologiialardy paidalana otyryp, sapaly meditsinalyq kómekti kórsetýmen qatar, óz áriptesterin úiretý qajet, – dep atap ótti Danial Ahmetov, keńeitilgen apparat jinalasynda.
Sonymen qatar aýrýhanalar onkologiialyq, qan ainalymy júiesi jáne ana men bala aýrýlardyn aldyn alý men emdeýge arnalgan ozyq qondyrǵylarmen jabdyqtalatyn bolady. Ol úshin aimaqta alty milliard tenge qarastyrylǵan.
ShQO ákiminiń baspasóz qyzmeti
