بۇل تۋرالى ق ر يدم ازاماتتىق اۆياسيا كوميتەتىنىڭ وكىلدەرىنە سىلتەمە جاساپ Tengrinews.kz حابارلايدى.
"سترەكوزا 7-Gazelle SA341" تىكۇشاعىنىڭ زاۋىتتان شىققان ءنومىرى - ەيەۆس.02.0325. 2009 جىلدىڭ 27 تامىزىندا قۇراستىرىلعان. بورت ءنومىرى - UP-LA246، ۇشۋ سالماعى: 1800. 2016 جىلدىڭ 22 جەلتوقسانىندا تىكۇشاق 1087 نومىرىمەن قازاقستاندا تىركەلدى. ۇشۋ جارامدىلىعىنىڭ مەرزىمسىز سەرتيفيكاتى 2016 جىلدىڭ 23 جەلتوقسانىندا بەرىلدى. جالپى ماقساتتا پايدالانۋعا ءرۇقسات ەتىلگەن.
تىكۇشاق تۇرلىحانوۆا عافۋرا مۇحاتبەكقىزىنا تيەسىلى. عافۋرا مۇحاتبەك قىزى ءبىر جىلدارى سەمەيدىڭ اكىمى، ق ر قاۋىپسىزدىك كەڭەسى حاتشىسىنىڭ جانە ق ر كولىك جانە كوممۋنيكاسيا ءمينيسترىنىڭ كەڭەسشىسى، وسى مينيسترلىكتىڭ كولىك باقىلاۋ كوميتەتىنىڭ ءتوراعاسى بولعان قايرات تۇرلىحانوۆتىڭ ايەلى .
اشىق اقپارات كوزدەرىندە سوڭعى جۇمىس ورنى رەتىندە "ۆوكزال-سەرۆيس" اق پرەزيدەنتى دەپ كورسەتىلگەن. الايدا "قازاقستان تەمiر جولى" اق-داعى قايتا قۇرۋعا بايلانىستى كومپانيا جابىلىپ قالعان ەدى.
ەسكە سالايىق، جەكە مەنشىكتەگى س-341 تىكۇشاعى كەشە ءۇرجار اۋدانىنداعى قوجا اۋىلىنان ۇشىپ شىعىپ، اياگوز اۋدانىنداعى اقشاتاۋ اۋىلىنا قونۋى كەرەك بولعان. كۋاگەرلەر تىكۇشاقتىڭ ايعىزدىڭ ۇستىنەن ۇشقانىن كورگەن. الايدا جەتەر جەرىنە جەتپەگەن. 25 اقپاندا ساعات 18.30-دا پيلوت بايلانىسقا شىقپاعان. ىزدەۋ شارالارى بارىسىندا تىكۇشاق اياگوز قالاسىنان سولتۇستىك-باتىسقا قاراي 60 شاقىرىم جەردەن تابىلعان.
