شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ قالا جەنە اۋدان ەكٸمدەرٸنٸڭ قاتىسۋىمەن سۋ تاسقىنى كەزەڭٸنەن ٶتۋ مەسەلەلەرٸ بويىنشا كەڭەس ٶتكٸزدٸ, - دەپ حابارلايدى Dalanews.kz
ەسكە سالايىق, 1 اقپاننان باستاپ شىعىس قازاقستاندا جەدەل شتاب جۇمىس ٸستەيدٸ. وندا بارلىق ەلدٸ مەكەننەن اقپارات كەلٸپ تٷسەدٸ. گلۋبوكوە, شەمونايحا, التاي اۋداندارى مەن ريددەر قالاسى ەرەكشە باقىلاۋدا. سەبەبٸ بيىل مۇندا قالىڭ قار جاۋدى.
ٶڭٸر باسشىسى تاياۋدا ٶسكەمەندە شاتىردان قۇلاعان قاردىڭ بٸرنەشە كٶلٸكتٸ زاقىمداعانىن ەسكە سالدى. بەلگٸلٸ بولعانداي, وبلىس ورتالىعىنداعى 1200 ٷيدٸڭ باسقارۋ نىسانى جوق. بۇل باسپانالار قسك-عا قوسىلماعان, ميب نەمەسە جاي سەرٸكتەستٸك تە قۇرىلماعان.
"بۇل - ەنەرگەتيكا جەنە تٷكش باسقارماسى تاراپىنان جٸبەرٸلگەن قاتەلٸك. ٶيتكەنٸ باسقارۋدىڭ جاڭا نىساندارىنا كٶشۋ جۇمىستارى بٸرنەشە جىل بۇرىن باستالعان. 1 مامىرعا دەيٸن ەر ٷيگە قاتىستى مەسەلە شەشٸلۋٸ كەرەك. سونداي-اق بٸر اپتا ٸشٸندە تۇرعىندارعا شاتىرداعى مۇز بەن اۋلاداعى قاردى تازالاۋعا كٶمەكتەسۋ قاجەت", - دەدٸ وبلىس ەكٸمٸ.
بٷگٸنگٸ تاڭدا وبلىستاعى بارلىق گيدروتەحنيكالىق قۇرىلىس تەكسەرٸلٸپ, ولاردىڭ جاي-كٷيٸ تەۋلٸك بويى قاداعالانۋدا. تۇرعىندار مەن ەكٸمدٸكتەر قايدا بارۋ كەرەكتٸگٸن بٸلۋٸ ٷشٸن جاۋاپتى تۇلعالاردىڭ اتى-جٶنٸ مەن بايلانىس نٶمٸرٸ كٶرسەتٸلگەن كەزەكشٸلٸك كەستەسٸن جاساۋعا باسا نازار اۋدارىلدى.
شىعىس قازاقستان ٶزەندەرٸندە جارىلىس جۇمىستارى باستالىپ, 19 نٷكتە انىقتالدى. جاۋىن-شاشىن مەن كٷننٸڭ جىلىنۋىنا بايلانىستى گيدروتەحنيكالىق قۇرىلىستاردى تاعى بٸر مەرتە تەكسەرٸپ, سۋ تاسقىنىنا قارسى ٸس-شارالاردى جٷرگٸزۋ كەزٸندە تۇرعىنداردىڭ تەجٸريبەسٸن جەنە كٶپجىلدىق باقىلاۋ نەتيجەلەرٸن قوسىمشا ەسەپكە الۋ قاجەتتٸگٸ ايتىلدى.
اۋىلدىق جەرلەردە ٷيلەر مەن ٸرگەلەس اۋماقتارعا سۋ كٸرمەۋٸ ٷشٸن اينالما ارنالاردى دايىنداۋعا نازار اۋدارۋ كەرەك. نۇرىمبەت ساقتاعانوۆ اتاپ ٶتكەندەي, بارلىق تەحنيكا مەن ارنايى توپتار دايىن تۇر. ۋاقىتشا ورنالاستىرۋ پۋنكتتەرٸ 21 مىڭ ادامدى قابىلداي الادى. سونداي-اق ماڭىزدى ەلەۋمەتتٸك نىساندارعا كٸرەتٸن جولدارعا تەكسەرۋ جٷرگٸزٸپ, كٶپٸرلەردەگٸ قورشاۋلاردى تەكسەرۋ, قاجەت بولعان جاعدايدا اۋىستىرۋ كەرەك.
"ەكٸمدەر تۇرعىندارمەن اقپاراتتىق-تٷسٸندٸرۋ جۇمىستارىن بەلسەندٸ جٷرگٸزٸپ, بارلىق قۇرال-جابدىق پەن تەحنيكانى تاعى بٸر رەت تەكسەرگەن جٶن. تٶتەنشە جاعداي كەزٸندە اۋىر تەحنيكامەن قامتاماسىز ەتۋ ٷشٸن جەرگٸلٸكتٸ شارۋا قوجالىقتارىمەن, كەسٸپورىندارمەن كەلٸسٸم-شارت جاساۋ كەرەك", – دەپ اتاپ ٶتتٸ نۇرىمبەت ساقتاعانوۆ.
سونداي-اق ول سۋ تاسقىنى جاعدايى تۇراقتى باقىلاۋدا ەكەنٸن جەنە ەربٸر ەلدٸ مەكەن بويىنشا ناقتى ٸس-قيمىل الگوريتمٸ ەزٸرلەنگەنٸن اتاپ ٶتتٸ.
