قازىرگى باسىمىزعا تونگەن پاندەميا كەزەڭى تەمىر توردىڭ ارعى جاعىندا وتىرعان سوتتالعاندارعا دا ءوز اسەرىن تيگىزدى. تۋعان تۋىستارىمەن كەزدەسۋ توقتاتىلىپ، مەكەمەدەگى بارلىق ءىس - شارالار دا توقتاتىلدى.

سوتتالعانداردىڭ ءار قايسىسى قولدارىنا كەلەتىن ىسپەن ايلانىسىپ وزدەرىن ەرەكشە كورسەتىپ جاتقاندارىن اتاپ كەتەيىك.

12 جىلعا سوتتالعان ازاماتتىڭ ۇلى اباي پارترەتىن ەرەكشە ىنتامەن سالدى. بويىنداعى وسىنداي ءبىر كەرەمەت ونەرىن كورگەن مەكەمە اكىمشىلىگى، بۇل تۋىندىعا تاڭدانا قاراپ، الداعى ۋاقىتتا وسى تۋىندىنى بالاباقشا نەمەسە مەكتەپ-ينتەرناتقا تارتۋ ەتپەكشى.

"قولىمنان وسىنداي ونەر كەلەتىنىنە قۋانامىن، تەمىر قاپاستا وتىرعانىما 4 جىل بولدى. ەندى 8 جىلىم قالسا دا بولاشاقتان ءۇمىتىمدى ۇزگەن ەمەسپىن. اناما، جانۇياما، بالالارىما دەگەن ساعىنىشىم جانىما جىلۋ بەرەدى. جاساعان قىلمىسىم ءۇشىن جازامدى تولىعىمەن وتەپ، جاڭا ومىرىمدە وكىنىش بولماسا ەكەن دەيمىن. وسى ءبىر تۋىندىمدى مەكەمە اكىمشىلىگى ارقىلى بالاباقشاعا نەمەسە مەكتەپ-ينتەرناتقا سىيلىق رەتىندە ۇسىنسام با دەپ وتىرمىن. ەرتەڭدەرى جۇمىسىمدى تولىعىمەن اياقتايمىن"، - دەيدى اعىنان جارىلا ماقسات.