شىعىس قازاقستانداعى قىتايدىڭ "سينسين قۇرىلىس جانە دامىتۋ جۇڭگو كومپانياسى" ج ش س ەكولوگيالىق تالاپتى بۇزعانى ءۇشىن 260 ملن تەڭگەدەن استام ايىپپۇل ارقالادى. تەكسەرۋ ناتيجەسىندە ءبىرقاتار قۇقىق بۇزۋشىلىق انىقتالعان، دەپ حابارلايدى Dalanews.kz.
وبلىستىق ەكولوگيا دەپارتامەنتى اتالعان سەرىكتەستىككە قاتىستى جوسپاردان تىس تەكسەرۋ جۇرگىزگەن. بۇل تۋرالى وبلىستىق ەكولوگيا دەپارتامەنتىنىڭ باسپا ءسوز قىزمەتى ءمالىم ەتتى.
شەتەلدىك كومپانيا ەكولوگيالىق تالاپتار مەن زاڭنامالاردى بۇزعانى ءۇشىن 262 555 528 تەڭگە مولشەرىندە ايىپپۇل تولەدى.
جوسپاردان تىس تەكسەرۋ ناتيجەلەرى بويىنشا ءبىرقاتار قۇقىق بۇزۋشىلىقتار انىقتالعان. ناقتىراق ايتقاندا، قالدىقتاردى ساقتاۋ، قالدىقتاردى ارالاستىرۋ، قالدىقتاردى ەسەپكە الۋ جۋرنالىنىڭ بولماۋى جانە جەر توسەمىنىڭ مۇناي ونىمدەرىمەن لاستانۋ فاكتىسى بولعان. سونداي-اق كومپانيانىڭ دسۋ (№8 ۋچاسكە) مەن اسفالت-بەتون زاۋىتىندا قورشاعان ورتاعا ەميسسيالارعا رۇقساتى جوق بولىپ شىققان.
تەكسەرۋ قورىتىندىسى بويىنشا كاسىپورىنعا اكىمشىلىك قۇقىق بۇزۋشىلىق تۋرالى حاتتاما تولتىرىلىپ، زاڭناماعا سايكەس جالپى سوماسى 3 967 500 تەڭگەگە ايىپپۇل سالىنعان.
سونىمەن قاتار، ق ر ءاق تۋرالى كودەكسىنىڭ 328-بابى بويىنشا ەسەپتىك ادىسپەن ورىندالاتىن ەميسسيالاردىڭ كولەمى اسىپ كەتكەنى ءۇشىن تولەماقى كولەمىنىڭ مىڭ پروسەنتى مولشەرىندە ايىپپۇل سالىنعان.
وسىلايشا جىلپى ايىپپۇل سوماسى ق ر ءاق تۋرالى كودەكسىنىڭ 328-بابىنا سايكەس قۇقىق بۇزۋشىلىق ءۇشىن 258 588 028 تەڭگەنى قۇراعان. كومپانيا جالپى سوماسى 262 555 528 تەڭگە كولەمىندە ايىپپۇل تولەدى. كاسىپورىن انىقتالعان قۇقىق بۇزۋشىلىقتاردى جويۋ تۋرالى بەرىلگەن ۇيعارىمدى تولىعىمەن ورىنداعان.
