Shyǵys Qazaqstandaǵy Qytaidyń "Sinsin qurylys jáne damytý Qytai kompaniiasy" JShS ekologiialyq talapty buzǵany úshin 260 mln teńgeden astam aiyppul arqalady. Tekserý nátijesinde birqatar quqyq buzýshylyq anyqtalǵan, dep habarlaidy Dalanews.kz.
Oblystyq Ekologiia departamenti atalǵan seriktestikke qatysty jospardan tys tekserý júrgizgen. Bul týraly oblystyq Ekologiia departamentiniń baspasóz qyzmeti málim etti.
Sheteldik kompaniia ekologiialyq talaptar men zańnamalardy buzǵany úshin 262 555 528 teńge mólsherinde aiyppul tóledi.
Jospardan tys tekserý nátijeleri boiynsha birqatar quqyq buzýshylyqtar anyqtalǵan. Naqtyraq aitqanda, qaldyqtardy saqtaý, qaldyqtardy aralastyrý, qaldyqtardy esepke alý jýrnalynyń bolmaýy jáne jer tóseminiń munai ónimderimen lastaný faktisi bolǵan. Sondai-aq kompaniianyń DSÝ (№8 ýchaske) men asfalt-beton zaýytynda qorshaǵan ortaǵa emissiialarǵa ruqsaty joq bolyp shyqqan.
Tekserý qorytyndysy boiynsha kásiporynǵa ákimshilik quqyq buzýshylyq týraly hattama toltyrylyp, zańnamaǵa sáikes jalpy somasy 3 967 500 teńgege aiyppul salynǵan.
Sonymen qatar, QR ÁQ týraly kodeksiniń 328-baby boiynsha eseptik ádispen oryndalatyn emissiialardyń kólemi asyp ketkeni úshin tólemaqy kóleminiń myń protsenti mólsherinde aiyppul salynǵan.
Osylaisha jylpy aiyppul somasy QR ÁQ týraly kodeksiniń 328-babyna sáikes quqyq buzýshylyq úshin 258 588 028 teńgeni quraǵan. Kompaniia jalpy somasy 262 555 528 teńge kóleminde aiyppul tóledi. Kásiporyn anyqtalǵan quqyq buzýshylyqtardy joiý týraly berilgen uiǵarymdy tolyǵymen oryndaǵan.
