بريفينگ بارىسىندا باسقارما باسشىسى بيىل ٶرت سٶنٸدٸرۋشٸلەردٸڭ جۇمىسى ماۋسىم ايىندا شىرقاۋ شەگٸنە جەتكەنٸن دە تٸلگە تيەك ەتتٸ. دەل وسى ايدا ٶڭٸردەگٸ ورمان ٶرتتەرٸ كٷرت ٶرشٸپ, ٶرت سٶندٸرۋشٸلەر ورمانشىلارمەن بٸرگە 100 رەت ٶرت سٶندٸرۋگە مەجبٷر بولعان. تٸلسٸز جاۋ بٸرنەشە رەت ەلدٸ-مەكەندەرگە تاياعان سەتتە ٶشٸرٸلٸگەن كەزدەرٸ دە بولىپتى.
– ول كەزدە جاعداي ٶتە قيىن بولدى. كٷننٸڭ ىسۋى, نايزاعاي, جەلدٸڭ ۇيتقىپ سوعىۋى جەنە حالىقتىڭ وتتى دۇرىس جاقپاۋ جاعدايدى ودان بەتەر ۋشىقتىرا تٷستٸ. بيىلعى جىل جازىق دالاداعى ورماندى القاپتارداعى ٶرتتٸڭ دە قاۋٸپتٸ ەكەنٸن تاعى بٸر ەسكە سالدى. جازىق دالاداعى ورمان ٶرتتەرٸ تەز تارالىپ, بٸرقانشا قيىندىقتار تۋعىزدى, – دەيدٸ نۇرجان ٶمٸرجانوۆ.
بريفينگ بارىسىندا سٶز العان شقو تابيعي رەسۋرستار جەنە تابيعي رەسۋرستاردى تيٸمدٸ پايدالانۋ باسقارماسى باسشىسىنىڭ ورىنباسارى ارمان ەسەنتاەۆ تٸلسٸز جاۋدىڭ الدىن الۋ ٷشٸن وبلىستىق بيۋدجەتتەن 295,6 ملن تەڭگە بٶلٸنٸپ, وعان جەڭٸل دوعالاقتى جەنە شىنجىر تاباندى تاراكتورلار مەن ورماندى كٷزەتۋگە ارنالعان شاعىن ماشينالار ساتىپ الىنعانىن العا تارتتى.
– الداعى 2023 جىلى ورمان ٶرتتەرٸن جەدەل ٶشٸرۋ ٷشٸن ارنايى جەدەل ەرەكەت ەتەتۋ توبىن قۇرماقشىمىز. سونىمەن قاتار قول جەتٸمدٸ جەرلەر مەن ٶرت بولعان اۋماقتاردى تازارتىپ, سول جەرلەردە ورمانداردى قالپىنا كەلتٸرۋ جۇمىستارىمەن اينالىساتىن بولامىز, – دەدٸ باسقارما باسشىسى.
جيىن بارىسىندا تٶتەنشە جاعدايلار قىزمەتٸنٸڭ ٶكٸلدەرٸ بيىل شىعىس قازاقستان وبلىسىندا ورىن العان ٶرتتەرگە نايزاعاي 75 پايىز, ادامي فاكتور 25 پايىز ەسەر ەتكەنٸن دە ايتتى.
– ٶرتتٸڭ پايدا بولۋىنا نەگٸزٸنەن نايزاعا جالىنى ەسەر ەتۋدە. بۇل – تابيعي ٷردٸس بولعاندىقتان ونىڭ الدىن الۋ مٷمكٸن ەمەس. سوندىقتان ورماندى ٶرتتەن ساقتاۋ ٷشٸن ٶرت سٶندٸرۋشٸلەرٸمٸز كەز كەلگەن ۋاقىتتا شىققان ٶرتتٸ اۋىزدىقتاۋعا دايىن بولۋى كەرەك. سول سەبەپتٸ بٸزدەر قازٸر ٶرتتٸ باقىلاۋ ٸسٸن كٷشەيتۋدەمٸز. بيىلدىڭ ٶزٸندە عارىشتىق مونيتورينگتىڭ ارقاسىندا 662 تەرمونٷكتە انىقتالىپ, ٶرت وشاقتارىنىڭ تارالىپ كەتۋٸنە جول بەرمەدٸك, – دەدٸ تٶتەنشە جاعدايلار قىزمەتٸنٸڭ ٶكٸلدەرٸ.
بريفينگكە قاتىسقانىمىزدا قازٸر ٶڭٸردە 41 ٶرتتٸ سٶندٸرۋ پوستتارى جۇمىس ٸستەپ تۇرعانىن بٸلدٸك.
– 2022 جىلى ٶرت سٶندٸرۋ پوستتارى ٶز بەتٸنشە 38 ٶرتتٸ ٶشٸرسە, مەملەكەتتٸك ٶرتكە قارسى قىزمەت مەكەمەسٸمەن تٸزە قوسىپ 75 ٶرت وشاعىن ٶشٸردٸ. تاعى بٸر ايتا كەتەتٸن مەسەلە – بٷگٸندە وبلىسىمىزدا 25 مىڭنان استام ادام تۇراتىن 40 ەلدٸ-مەكەندە ٶرت سٶندٸرۋ پوستارى بار. 2023-2025 جىلدارى ارالىعىندا وسىنداي ٶرت سٶندٸرۋ پوستتارىنىڭ سانىن تاعى 11-گە ارتتىرۋدى كٶزدەپ وتىرمىز, – دەدٸ نۇرجان ٶمٸرجانوۆ.
