ەسكە سالا كەتسەك، كارانتين ۋاقىتىندا حالىققا قىزمەت كورسەتۋگە مەديسينالىق قىزمەتكەرلەردەن تۇراتىن ءموبيلدى توپتار جاساقتالعان بولاتىن. وسكەمەن قالاسىنىڭ وزىندە 41، سەمەيدە 71 جانە اۋدان-قالالاردا 200-دەن استام توپ جەدەل جاردەمنىڭ جۇمىسىن جەڭىلدەتىپ، ءۇي جاعدايىنداعى ناۋقاستاردىڭ دەنساۋلىعىن باقىلاۋعا العان-دى.
ءموبيلدى توپ قىزمەتكەرلەرى شاقىرتۋ بويىنشا بارىپ، دەنە قىزۋىن، قانداعى وتتەگى مولشەرىن ولشەپ قانا قويماي، ناۋقاسقا ەمحانادان دارىگەردىڭ نۇسقاۋلىعىمەن بەرىلگەن دارى-دارمەكتى دە جەتكىزىپ بەرۋدە.
اتالمىش توپ جۇمىسىن باستاعاندا جەرگىلىكتى اۋدان جانە قالا اكىمدىكتەرىنەن دە قولداۋ تاۋىپ، قىزمەتتىك كولىكتەرگە يە بولعان.
