بيىل وڭىردە جوندەۋ جۇمىستارىنا 25 ميلليارد تەڭگە ءبولىندى. ونىڭ 8 ميلليارد تەڭگەسى جەلىلەردى جاڭعىرتۋعا جۇمسالدى،- دەپ حابارلايدى Dalanews.kz
ءقازىر شالعاي اۋداندارداعى قازاندىقتار دايىن تۇر. كومىرمەن قامتۋ ماسەلەسى دە شەشىلدى.
"دەگەنمەن، تۇرعىندار ەرتە قامدانۋعا اسىعار ەمەس"، – دەيدى جاۋاپتىلار. مامانداردىڭ ايتۋىنشا، الەۋمەتتىك نىساندار مەن تۇرعىن ۇيلەردىڭ دە ىشكى جەلىلەرىن جەدەل دايىنداۋ كەرەك. ءقازىر وبلىستاعى 3 مىڭنان اسا كوپقاباتتى ۇيلەردىڭ 65%ء-ى عانا قىسقا دايىن.
"اۆتونومدى قازاندىقتار مەن تۇرعىن ءۇي قورى 15 تامىزعا دەيىن تولىق دايىن بولۋى ءتيىس. 1 قازانعا دەيىن كومىر جەتكىزۋشىلەرمەن ءوزارا ءىس-قيمىل تەتىكتەرىن پىسىقتاپ، قاجەتتى وتىن كولەمىنىڭ كەستەگە سايكەس جەتكىزىلۋىن قامتاماسىز ەتۋ جانە ونى تەمىرجول تۇيىقتارىندا ساتۋ مەن تيەۋ كەزىندە كەزەككە تۇرۋ جاعدايلارىن بولدىرماۋ قاجەت"، – دەدى ءوڭىر باسشىسى نۇرىمبەت ساقتاعانوۆ.
اكىمنىڭ ايتۋىنشا، بارلىق قالا مەن اۋدانداردا بۇل ماسەلەلەردى تۇراقتى باقىلاۋدا ۇستايتىن ارنايى شتابتار جۇمىس ىستەۋدە. قازىرگى تاڭدا ءبىلىم بەرۋ نىساندارى كومىرمەن 93%، دەنساۋلىق ساقتاۋ – 81%، الەۋمەتتىك سالا دا – 81% قامتاماسىز ەتىلگەن. وسكەمەندە 1753 تۇرعىن ءۇيدىڭ 1053ء-ى دايىندىق پاسپورتىن العان.
ەرەكشە نازار ريددەرگە اۋدارىلۋدا: مۇندا قازاندىقتاردىڭ دايىندىعى ازىرگە 65%، الايدا جىلۋ جەلىلەرىن جوندەۋ كەستەگە ساي جۇرگىزىلۋدە.
"بارلىق جۇمىستار 1 قىركۇيەككە دەيىن اياقتالۋى ءتيىس، سەبەبى ريددەر – وبلىستىڭ ەڭ سۋىق اۋداندارىنىڭ ءبىرى جانە مۇندا جىلىتۋ ماۋسىمى ەرتەرەك باستالۋى مۇمكىن"، – دەپ اتاپ ءوتتى اكىم.
