شىعىس قازاقستان وبلىسىنداعى 40 جىلدان استام ۋاقىت جٶندەۋ كٶرمەگەن بۇرىنعى №1 قالالىق اۋرۋحانانىڭ عيماراتى تولىق جاڭعىرتۋدان ٶتۋدە,- دەپ حابارلايدى Dalanews.kz
قازٸر بۇل مەكەمە شىعىس قازاقستان وبلىستىق مامانداندىرىلعان مەديتسينالىق ورتالىعى (شقو ممو) دەپ اتالادى. حالىق اراسىندا ەلٸ كٷنگە «1-قالالىق اۋرۋحانا» دەپ اتالاتىن ورتالىق بۇرىننان سىنعا ٸلٸنٸپ كەلە جاتىر.
بٸرنەشە رەت «جٶندەۋ جۇمىستارى باستالادى» دەپ ايتىلعانىمەن, تەك جەكەلەگەن بٶلمەلەردٸ جٶندەۋمەن شەكتەلٸپ كەلدٸ. كەڭەستٸك ستيلدەگٸ تار پالاتالار, ەسكٸ توزىعى جەتكەن جابدىقتار – مۇنىڭ بەرٸ تۇرعىندار ٷشٸن ٷيرەنشٸكتٸ كٶرٸنٸسكە اينالعان ەدٸ. ناعىز كٷردەلٸ جٶندەۋ قاجەت بولاتىن.
بٷگٸندە اۋرۋحانانىڭ بارلىق دەرلٸك جٷيەلەرٸ - جەلدەتۋ جٷيەسٸنەن باستاپ, پالاتالارداعى شاقىرۋ باتىرمالارىنا دەيٸن جاڭارتىلىپ جاتىر.
– جٶندەۋ جۇمىستارى بىلتىرعى مامىردا وبلىس ەكٸمٸ مەكەمەگە ارنايى كەلٸپ, جاعدايمەن ەگجەي-تەگجەيلٸ تانىسقاننان كەيٸن عانا باستالدى. سودان سوڭ ەلەكتر جٷيەسٸن, جەلدەتۋدٸ جەنە ينجەنەرلٸك كوممۋنيكاتسييالاردى اۋىستىرۋعا قاراجات بٶلٸندٸ. قازٸر «قازتسينك» كومپانيياسىنىڭ قولداۋىمەن گينەكولوگييا بٶلٸمٸ جٶندەلٸپ جاتىر. ەكٸ اپتادان كەيٸن پاتسيەنتتەر جاڭا پالاتالارعا كٶشەدٸ. سونىمەن قاتار اۋرۋحانا اۋماعى دا اباتتاندىرىلىپ جاتىر. جالپى, بارلىق بٶلٸمشەلەر كەزەڭ-كەزەڭٸمەن جاڭارتىلادى, – دەيدٸ شقو ممو باس دەرٸگەرٸ شولپان ماكاشەۆا.
جٶندەۋ جۇمىستارىنىڭ جالپى ۇزاقتىعى – سەگٸز اي. اياقتالۋ مەرزٸمٸ – 2026 جىل.
– عيماراتتىڭ ەسكٸ جەلدەتۋ جٷيەسٸ تولىق اۋىستىرىلدى. بۇرىن اۋا اينالىمى دۇرىس بولماعان. ەندٸ پالاتالارعا دەرەتحانالار ورناتتىق – بۇل ناۋقاستارعا بارىنشا قولايلى جاعداي جاساۋ ٷشٸن قاجەت بولدى. بۇل جۇمىستار 90% اياقتالدى, 30 ماۋسىمعا دەيٸن تولىق تاپسىرىلادى, – دەيدٸ قۇرىلىس ۋچاسكەسٸنٸڭ باستىعى امانگەلدٸ سەمبينوۆ.
اۋرۋحانانىڭ قابىلداۋ بٶلٸمٸنە كٷنٸنە 200-گە جۋىق ادام جٷگٸنەدٸ. دەگەنمەن ولار ەلٸ دە تار دەلٸزدەر مەن ەسكٸ بٶلمەلەردە وتىر. ەندٸ بۇل بٶلٸم دە كٷردەلٸ ٶزگەرٸسكە ۇشىرايدى, جەنە بۇل جولى بيۋدجەت ەسەبٸنەن ەمەس, جەكە ينۆەستيتسييا ەسەبٸنەن. ينۆەستيتسييا كٶلەمٸ – 1 ميلليارد تەڭگەدەن اسادى.
– قازٸرگٸ قابىلداۋ بٶلٸمٸنٸڭ اۋدانى – 350 شارشى مەتر, بۇل سانيتارلىق تالاپتارعا ساي ەمەس. بولاشاقتا رەسپۋبليكالىق نەفرولوگييالىق ورتالىق – «BB Nura» جشس قولداۋىمەن جەكە عيمارات سالىنادى. ونىڭ اۋدانى شامامەن 1000 شارشى مەتر بولادى. بٸرٸنشٸ قاباتتا – قابىلداۋ-دياگنوستيكالىق بٶلٸم, ەكٸنشٸ قاباتتا – گەمودياليز تٶسەكتەرٸ بار نەفرولوگييا بٶلٸمٸ ورنالاسپاق, – دەيدٸ باس دەرٸگەردٸڭ ورىنباسارى مارات نۇربيكەنوۆ.
قالالىقتار دا قازٸرگٸ ٶزگەرٸستەرگە تٷسٸنٸستٸكپەن قاراي باستادى.
– كەز كەلگەن جٶندەۋ ۋاقىت پەن قاراجاتتى قاجەت ەتەدٸ. ال بۇل – اۋرۋحانا, جٶندەۋ جۇمىستارىنا قاراماستان كٷندەلٸكتٸ جۇمىسىن توقتاتقان جوق. قاراپايىم ادام رەتٸندە مەن مەديتسينا قىزمەتكەرلەرٸنٸڭ جاقسى كٷتٸمٸ مەن جىلى قاباق تانىتقاندارىنا ريزامىن, – دەيدٸ قالا تۇرعىنى البينا زاگورنوۆا.
تۇرعىندار تالاي جىلدار كٷتكەن جٶندەۋ جۇمىستارى اقىرى جٷزەگە اسىپ جاتىر. جەرگٸلٸكتٸ اتقارۋشى ورگانداردىڭ باستاماسى مەن سەرٸكتەستەردٸڭ قولداۋىنىڭ ارقاسىندا بۇرىنعى №1 قالالىق اۋرۋحانا تەك سىرتتاي ەمەس, مازمۇندىق تۇرعىدان دا جاڭارىپ, قازٸرگٸ زامان تالابىنا ساي مەديتسينالىق مەكەمەگە اينالۋدا. ەندٸ مۇندا ەمدەلۋشٸگە دەگەن قامقورلىق جايلى پالاتادان باستالىپ, ساپالى مەديتسينالىق كٶمەكپەن اياقتالادى.
