ٶسكەمەندە تاعى بٸر ٶندٸرٸس ورنى جۇمىسىن باستادى. «ۋك ترۋبتەح» جشس-نە قاراستى كەسٸپورىندا پوليەتيلەن قۇبىرلارى شىعارىلاتىن بولادى, دەپ حابارلايدى Dalanews. kz Altainews.kz سايتىنا سٸلتەمە جاساپ.
جاڭا زاۋىت شىعىس قازاقستاننىڭ عانا ەمەس, كٶرشٸلەس ٶڭٸرلەردٸڭ دە سۇرانىسىن قاناعاتتاندىرۋعا قاۋقارلى. ٶنٸمٸ دە جوعارى ساپالى, ٶندٸرٸستە زاماناۋي تەحنولوگييالار عانا قولدانىلادى.
بٷگٸن ٶندٸرٸس ورنىنىڭ اشىلۋ سالتاناتىنا قاتىسقان وبلىس ەكٸمٸ ەرمەك كٶشەرباەۆ كەسٸپورىننىڭ تسەحتارىن ارالاپ كٶرٸپ, مۇندا اتقارىلىپ جاتقان جۇمىسقا جوعارى باعاسىن بەردٸ.
– قازٸرگٸ ۋاقىتتا قۇرىلىستا پايدالانىپ جاتقان ماتەريالداردىڭ باسىم كٶپشٸلٸگٸ شەتەلدٸك ٶنٸم ەكەنٸ جاسىرىن ەمەس. ياعني, جىل سايىن ەلدەن سىرتقا ەدەۋٸر مٶلشەردەگٸ قاراجات كەتٸپ جاتىر دەگەن سٶز. بۇل دەگەنٸمٸز قىپ-قىزىل شىعىن. سوندىقتان مۇنداي كەسٸپورىندار بٸز ٷشٸن اسا قاجەت. سەبەبٸ, ونداي ٶندٸرٸس ورىندارىنىڭ ەلٸمٸزدٸڭ ەكونوميكاسىنا تيگٸزەر پايداسى وراسان زور.
بٸرٸنشٸدەن, شەتەلدٸك ماتەريالدارعا تەۋەلدٸلٸكتەن ارىلامىز, ەكٸنشٸدەن, جاڭا جۇمىس ورىندارى قۇرالادى. ٶندٸرٸستە وزىق تەحنولوگييالار عانا قولدانىلادى ەكەن. بۇل – ٶتە قۇپتارلىق جايت, – دەدٸ وبلىس ەكٸمٸ ەرمەك كٶشەرباەۆ.
جاڭا كەسٸپورىننان جىلىنا شامامەن 3 600 توننا ٶنٸم شىعارىلادى ەكەن. بولاشاقتا بۇل كٶرسەتكٸشتٸ بەس مىڭعا دەيٸن جەتكٸزۋ جوسپارلانىپ وتىر. بۇل تۋرالى «ۋك ترۋبتەح» جشس-نىڭ باس ديرەكتورى ايدار ابدۋلدين مەلٸم ەتتٸ.
– وبلىسىمىزدى قاجەتتٸ ٶنٸممەن تولىقتاي قامتۋعا شامامىز جەتەدٸ. ال بولاشاقتا رەسپۋبليكامىزدىڭ ٶزگە ٶڭٸرلەرٸنٸڭ نارىعىنا شىعۋدى دا كٶزدەپ وتىرمىز. ول ٷشٸن ٶندٸرٸس كٶلەمٸن ۇلعايتۋ قاجەت بولادى. مۇنداي قادامعا دا دايىنبىز. جالپى, الداعى ۋاقىتتا قوسىمشا تسەحتار اشىپ, جۇمىسشىلارىمىزدىڭ سانىن ارتتىرۋدى جوسپارلاۋدامىز, – دەيدٸ ا.ابدۋلدين.
وسى رەتتە قازٸرگٸ ۋاقىتتا ٶندٸرٸس ورنىندا 45 ادام جۇمىسپەن قامتىلعانىن ايتۋ كەرەك.
زاۋىتتىڭ تسەحتارىن ارالاپ كٶرگەن ايماق باسشىسى اتقارىلىپ جاتقان جۇمىسقا كٶڭٸلٸ تولاتىنىن جەتكٸزدٸ. وبلىس ەكٸمٸنٸڭ سٶزٸنشە, قازٸرگٸ ۋاقىتتا شىعىس قازاقستاندا پوليەتيلەن قۇبىرلارعا دەگەن سۇرانىس زور. بۇل تەك سۋ مەن جىلۋ قۇبىرلارىنا عانا ەمەس, باسقا دا ماقساتتارعا قولدانىلاتىن ماتەريالدارعا قاتىستى.
– سٸزدەردٸڭ ٶندٸرٸس ورىندارىڭىز ورنالاسقان ۋچاسكەدە بوس تۇرعان عيماراتتار كٶپ ەكەن. الداعى ۋاقىتتا وسى نىسانداردى دا تسەح رەتٸندە پايدالانۋعا بولادى. ٶز تاراپىمىزدان سٸزدەرگە جان-جاقتى قولداۋ كٶرسەتۋگە ەزٸرمٸز, – دەدٸ ايماق باسشىسى
