«قىستىڭ قامىن جازدا ويلا» دەگەن قازاق ماتەلى بەكەرگە ايتىلماسا كەرەك. كەربۇلاق اۋدانىندا ءشوپ شابۋ ناۋقانى باستالىپ تا كەتتى. اۋداندا العاشقىلاردىڭ ءبىرى بولىپ "قىزىلشوقى" جاۋاپكەرشىلىگى شەكتەۋلى سەرىكتەستىگىنىڭ پىشەنشىلەرى شابىندىققا وراق سالدى. سارىباستاۋ اۋىلدىق وكرۋگىندەگى "قىزىلشوقى" جاۋاپكەرشىلىگى شەكتەۋلى سەرىكتەستىگىنىڭ باسشىسى بەكييەۆ الدان بوتاي ۇلىنىڭ بەرگەن مالىمەتىنە سۇيەنسەك 300 گەكتار القاپتاعى مال ازىعىن دايىنداۋ ءۇشىن ەسپارسەت ءشوبىن شابۋ باستالىپتى. بۇگىنگى كۇنگە 70-80 گەكتار ءشوپ شابىلعان (1 گەكتاردان 8-9 توننادان الىندى). ناۋقاندىق جۇمىسقا 6 ادامدى تارتىپ، 5 تراكتور، 2 ءشوپ بۇرعىش، ءبىر «كاماز» اۆتوكولىگىمەن كىرىسكەن سەرىكتەستىك 177 بۋما ءشوپتى دايىنداپ تا ۇلگەرىپتى.
اۋدان بويىنشا بيىلعى جىلعا 189 مىڭ توننا ءشوپ، 49 700 توننا سابان، 32 400 توننا پىشەندەمە، 30 300 توننا مال ازىقتىق جەم جيناۋ كوزدەلۋدە.
ال بۇگىنگى ۋاقىتتا 25 000 توننا ءشوپ جينالدى.
ايتا كەتەيىك، 2021 جىلى اۋداندا 112 910 گەكتار ەگىستىك جەردى يگەرۋ جوسپارلانىپ، 26 085 گەكتارىنا كۇزدىك بيداي سەبىلگەن. بۇگىنگى كۇنگە 26 085 گەكتار القاپ تولىعىمەن تىرمالاندى. ودان بولەك، 70 563 گەكتارعا جازدىق ءداندى-داقىلدار، 2 640 گەكتار القاپقا كارتوپ، 250 گەكتارعا قانت قىزىلشاسى سەبۋ كوزدەلدى. بۇل دەگەنىمىز ءوندىرىس كولەمى وتكەن جىلعا قاراعاندا 3 266 گەكتارعا ارتىعىمەن ورىندالادى.
قازىرگى تاڭدا اۋداندا جازدىق ءداندى-داقىلداردى سەبۋ جۇمىستارى اياقتالدى. بۇگىنگى كۇنگە 70 563 گەكتار القاپقا جازدىق ءداندى-داقىلدار، 2 640 گەكتار كارتوپ داقىلى، 250 گەكتار قانت قىزىلشاسى، 1840 گەكتار مايلى داقىل جانە 569 گەكتارعا باقشا داقىلدارى مەن كوكونىس تولىعىمەن ەگىلىپ ءبىتتى.
سونداي-اق، بيىلعى جىلعا ەگىستىك القاپتارىنا قاجەتتى مينەرالدى تىڭايتقىشتار مەن گەربيسيدتەرگە سۇرانىستار مەن وتىنىمدەر بەرىلىپ، اۋدانداعى شارۋاشىلىق قۇرىلىمدارىن تۇقىم دارىلەيتىن ۋلى حيميكاتتارمەن، پەستيسيدتەرمەن، مينەرالدى تىڭايتقىشتارمەن قامتاماسىز ەتۋ جۇمىستارى جۇرگىزىلۋدە.
شەگىرتكە تەكتەس جانە باسقا اسا ءقاۋىپتى زياندى ورگانيزمدەردىڭ، وسىمدىك زيانكەستەرىنىڭ جاپپاي تارالىپ، اۋىل شارۋاشىلىعى داقىلدارىنىڭ ونىمدەرىنە زيان تيگىزۋىنە جول بەرمەۋ ماقساتىندا جۇمىس توبى قۇرىلعان.
كارانتيندىك وبەكتىلەردىڭ جاپپاي تاراتىلىپ، اۋىل شارۋاشىلىعىنداعى داقىلداردىڭ ونىمدەرىنە زيان تيگىزۋىنە جول بەرمەۋ جانە ءتيىستى شارالار قابىلداۋ ماقساتىندا جۇمىس توبىنىڭ قۇرامى قۇرىلعان.
ايتا كەتەر بولساق، اۋىل شارۋاشىلىق تاۋار وندىرۋشىلەرىنە كوكتەمگى دالا جۇمىستارىن جۇرگىزۋگە بيىلعى جىلعا 2 500 توننا جانارماي ءبولىندى. بۇگىنگى كۇنگە 1 160 توننا جانار ماي الىندى. شارۋا قوجالىقتارىنا كوكتەمگى دالا جۇمىستارىنا قاجەتتى جانار-جاعارماي 167 تەڭگەدەن تاراتىلۋدا. قازىرگى ۋاقىتتا، اۋىل شارۋاشىلىق تەحنيكالارىن قوسالقى بولشەكتەرمەن قامتاماسىز ەتەتىن 3 ساۋدا ورنى جۇمىس ىستەيدى. ونىڭ ەكەۋى سارىوزەك اۋىلىندا، بىرەۋى قوعالى اۋىلدىق وكرۋگىندە ورنالاسقان.
اۋىلدىق وكرۋگتەردەگى شارۋاشىلىق قۇرىلىمدارىندا تەحنيكالىق قاۋىپسىزدىك ەرەجەلەرىن ساقتاۋ تۋرالى ءتۇسىندىرۋ جۇمىستارى جۇرگىزىلدى. اۋىل شارۋاشىلىق تەحنيكالارىن جوندەۋ كەزىندە تەحنيكا قاۋىپسىزدىگىڭ ساقتاۋ ءۇشىن ارنايى جۋرنالدار جۇرگىزۋ جانە قاۋىپسىزدىك ەرەجەلەرىن قاتاڭ ساقتاۋ تالاپتارى قويىلعان.
راۋشان بيسەمبەكوۆا،
كەربۇلاق اۋدانى اكىمىنىڭ ءباسپاسوز-حاتشىسى
