تۇركىستان قالاسى دامۋىنىڭ 1-كەزەڭى اياقتالعانىن ەسكەرە وتىرىپ، تۇركىستان وبلىسىنىڭ 2021-2025 جىلدارعا ارنالعان جاڭا كەشەندى جوسپارى بەكىتىلگەنى بەلگىلى.
كەشەندى جوسپاردا 141 ءىس-شارا ەنگىزىلدى. تۇركىستاندى دامىتۋدىڭ ەكىنشى كەزەڭىندە ينۆەستيسيالاردىڭ كولەمى 1،3 ترلن. تەڭگە، ونىڭ 77%-ى جەكە ينۆەستيسيالار بولىپ تابىلادى.
تۇركىستاننىڭ دامۋى 4 اۋماقتا جۇزەگە اسادى. حالىقارالىق اۋەجاي اۋماعىندا 12 جوبا ىسكە قوسىلادى. ونىڭ ىشىندە 100 ورىندىق زامانۋي قوناق ءۇي، 400 گەكتار قارا ورىك باعى، 50 گەكتار جەرگە جىلىجاي، 10 مىڭ باس ءىرى قارا بورداقىلاۋ كەشەنى، 1 200 باس ءتاۋارلى-سۇت ءوندىرۋ فەرماسى سالىنادى.
ەكىنشى اۋماقتاعى جۇمىستار اكىمشىلىك-ىسكەرلىك ورتالىعىندا جالعاسادى. مۇندا 57 جوبانىڭ قۇرىلىسى جوسپارلانعان. اتاپ ايتقاندا تەننيس ورتالىعى، مۇز سارايى، ات-سپورت كەشەنى، دەمالىس ورىندارى جانە ينجەنەرلىك ينفراقۇرىلىمى.
سونداي-اق، 4،8 ملن شارشى مەتر تۇرعىن ءۇي سالىپ، 46 مىڭ پاتەر پايدالانۋعا بەرۋ جوسپارلانۋدا. دەنساۋلىق ساقتاۋ سالاسىندا 570 توسەكتىك كوپبەيىندى اۋرۋحانا (ءمجا)، جەدەل مەديسينالىق جاردەم ستانسياسى، جانە «انا مەن بالا ورتالىعى» سالىنادى.
ءۇشىنشى اۋماققا كىرەتىن ب.ساتتارحانوۆ داڭعىلىنىڭ بويىندا سپورتتىق كەشەن، ياسسى جەلىلىك ساياباعى، ءىرى ساۋدا ورتالىقتارى، 182 گا ۋنيۆەرستيتەتتىك بوتانيكالىق ب ا ق، پارك لاين كوتتەدج كەشەنى پايدا بولادى.
ال، 4-اۋماق – مادەني-رۋحاني ورتالىق. تابيعي اۋماقتا كۇلتوبە قالاشىعىنىڭ تاريحي نىساندارىن قالپىنا كەلتىرۋ، «ازىرەت سۇلتان» مۋزەي-قورىعىنىڭ اۋماعىن اباتتاندىرۋ جوسپارلانۋدا. بۇدان بولەك، «كەرۋەن ساراي» تۇرعىن ءۇي كەشەنى، «امانات» كوتتەدجى قالاشىعى، «Medina Palace» قوناق ءۇيى، «حيلۋەت» مادەني-رۋحاني ورتالىعى سالىنادى.
