Túrkistan qalasy damýynyń 1-kezeńi aiaqtalǵanyn eskere otyryp, Túrkistan oblysynyń 2021-2025 jyldarǵa arnalǵan jańa Keshendi jospary bekitilgeni belgili.
Keshendi josparda 141 is-shara engizildi. Túrkistandy damytýdyń ekinshi kezeńinde investitsiialardyń kólemi 1,3 trln. teńge, onyń 77%-y jeke investitsiialar bolyp tabylady.
Túrkistannyń damýy 4 aýmaqta júzege asady. Halyqaralyq áýejai aýmaǵynda 12 joba iske qosylady. Onyń ishinde 100 oryndyq zamanýi qonaq úi, 400 gektar qara órik baǵy, 50 gektar jerge jylyjai, 10 myń bas iri qara bordaqylaý kesheni, 1 200 bas taýarly-sút óndirý fermasy salynady.
Ekinshi aýmaqtaǵy jumystar Ákimshilik-iskerlik ortalyǵynda jalǵasady. Munda 57 jobanyń qurylysy josparlanǵan. Atap aitqanda tennis ortalyǵy, muz saraiy, at-sport kesheni, demalys oryndary jáne injenerlik infraqurylymy.
Sondai-aq, 4,8 mln sharshy metr turǵyn úi salyp, 46 myń páter paidalanýǵa berý josparlanýda. Densaýlyq saqtaý salasynda 570 tósektik kópbeiindi aýrýhana (MJÁ), jedel meditsinalyq járdem stantsiiasy, jáne «Ana men bala ortalyǵy» salynady.
Úshinshi aýmaqqa kiretin B.Sattarhanov dańǵylynyń boiynda sporttyq keshen, Iassy jelilik saiabaǵy, iri saýda ortalyqtary, 182 ga ýniverstitettik botanikalyq baq, Park Lain kottedj kesheni paida bolady.
Al, 4-aýmaq – Mádeni-rýhani ortalyq. Tabiǵi aýmaqta Kúltóbe qalashyǵynyń tarihi nysandaryn qalpyna keltirý, «Áziret Sultan» mýzei-qoryǵynyń aýmaǵyn abattandyrý josparlanýda. Budan bólek, «Kerýen Sarai» turǵyn úi kesheni, «Amanat» kottedji qalashyǵy, «Medina Palace» qonaq úii, «Hilýet» mádeni-rýhani ortalyǵy salynady.
