– بيىل – قازاقستان رەسپۋبليكاسى تەۋەلسٸزدٸگٸنٸڭ 30 جىلدىعى. تاريح كٶزٸمەن قاراعاندا, از عانا مەرزٸمدە جاڭاشىل مەملەكەتٸمٸزدٸڭ نەگٸزٸ قالاندى, قوعامدىق سانا جاڭعىردى, وتانىمىز ٶركەندەدٸ. العان اسۋلارىمىز مەن شىققان بيٸكتەرٸمٸزدٸ ەلباسىنىڭ ەسٸمٸمەن بٸرگە ايتۋدىڭ تاريحي نەگٸزٸ بار. تەۋەلسٸزدٸك جىلداردا جالپى حالىقتىڭ ەل-اۋقاتى جاقساردى. ەر ٶڭٸردە ٸرٸ جوبالار ٸسكە اسىرىلدى.
مەسەلەن بٸزدٸڭ ٶڭٸردە ٸرٸ ەكسپورتتاۋشىلارعا اينالعان «كەنتاۋ ترانسفورماتور زاۋىتى», «قازاقبيتۋم», «كٷيدٸرٸلگەن كٸرپٸش ٶنٸمدەرٸن شىعاراتىن بٶكەي», «نيمەكس ماقتا تازالاۋ زاۋىتى», «ماقتا ٶڭدەۋ زاۋىتى», «ورداباسى قۇس فابريكاسى», «قۇرعاق تٷيە ۇنتاعىن شىعاراتىن Golden Camel», «بالىق ٶنٸمدەرٸنٸڭ ٶندٸرٸسٸ حاميت ي ك», «DalaFruit» سيياقتى كومپانييالار قۇرىلدى. بۇل ەكونوميكالىق ٶسٸمنٸڭ جارقىن كٶرسەتكٸشٸ بولدى. بۇدان باسقا 300-گە جۋىق كەسٸپورىن اشىلىپ, وندا 23 مىڭعا جۋىق ادام جۇمىس اتقارۋدا, – دەدٸ وبلىس ەكٸمٸ.
ٶمٸرزاق شٶكەەۆ يندۋستريالييالاندىرۋ جىلدارى (2010-2020 جج.) 140,5 ملرد تەڭگەگە 122 جوبا ٸسكە اسىرىلىپ, 7 340 تۇراقتى جۇمىس ورنى اشىلعانىن اتاپ ٶتتٸ. يندۋستريالييالاندىرۋ كارتاسى اياسىندا جوبالاردى ٸسكە اسىرۋ بۇرىن ٶزٸمٸزدە ٶندٸرٸلمەيتٸن جەنە نەگٸزٸنەن ەكسپورتقا باعىتتالاتىن 12 ٶنٸم تٷرٸ بويىنشا ٶندٸرٸستٸ دامىتۋعا مٷمكٸندٸك بەردٸ.
– كەڭەستٸك زاماندا جٷزەگە اسپاي, ارمانعا اينالعان جوبالاردى اتاپ ايتساق, سىردارييا ٶزەنٸنەن «تەۋەلسٸزدٸك كٶپٸرٸ» سالىندى. بۇل كٶپٸردٸڭ ماڭىزدىلىعى – ٶزبەكستانمەن شەكارالاس ورنالاسقان جەتٸساي جەنە ماقتاارال اۋداندارىن رەسپۋبليكالىق ا-15 اۆتوجولىمەن تٸكەلەي بايلانىستىرۋعا مٷمكٸندٸك بەردٸ. بۇعان قوسا, جەتٸساي مەن ماقتاارال حالقىن شاردارا سۋ قويماسى ارقىلى وبلىس ورتالىعىمەن بايلانىستىراتىن «ارناساي اينالما جولى» پايدالانۋعا بەرٸلدٸ. تاشكەنت, الماتى جەنە قىزىلوردا باعىتىندا «باتىس ەۆروپا-باتىس قىتاي حالىقارالىق ترانزيتتٸك كٶلٸك دەلٸزٸ» سالىندى. تٷركٸستان وبلىس ورتالىعىنا اينالدى. بۇل – تەۋەلسٸزدٸكتٸڭ ايتارلىق بٸر جەمٸسٸ دەپ سانايمىز, – دەگەن ٶڭٸر باسشىسى سىردارييا بويىنداعى ەلدٸ مەكەندەردٸ سۋ تاسقىنىنان قورعاۋ ٷشٸن «كٶكساراي» سۋ رەتتەگٸشٸ مەن «بەينەۋ-بوزوي-شىمكەنت» گاز ماگيسترالىنىڭ سالىنۋىن دا تەۋەلسٸزدٸكتٸڭ ەڭ ٷلكەن جەمٸستەرٸ دەپ اتادى.
