وبلىس باسشىسىنىڭ قابىلداۋىنا كەلگەن كوپ بالالى انا تويلىبايەۆا ۇلجان اتاۋلى الەۋمەتتىك كومەك الۋ ماسەلەسىنە توقتالدى. سونداي-اق، باسپاناعا قول جەتكىزە الماي جۇرگەنىن جەتكىزگەن ازاماتشا كومەك سۇرايدى.
– ءبىز ءسىزدىڭ جاعدايىڭىزدى ءتۇسىنىپ وتىرمىز. بۇل ماسەلەنى شەشۋگە تىرىسامىز. الايدا، ءسىز ەڭ الدىمەن ءۇي كەزەگىنە تۇرۋىڭىز قاجەت، – دەدى ءوڭىر باسشىسى.
اتالعان ازاماتقا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ارقىلى تيىسىنشە قولداۋ كورسەتىلەدى.
ال ءمۇعالىم م.يسرايلوۆا ۇلتتىق باعىتتا ءبىلىم بەرەتىن قىزدار مەكتەبىن اشۋدى ارماندايدى. باتىر انا ءوز ماقساتىن جۇزەگە اسىرۋ جولىندا عيمارات سۇراپ ارنايى اكىمنىڭ قابىلداۋىنا كەلگەن.
– ءسىزدىڭ يدەياڭىز ۇنادى. ءقازىر تۇركىستاندا نەكە سارايى سالىنىپ جاتىر. وسى عيماراتتى بارىپ كورىپ، ۇناعان بولمەدەن ۇيىرمە اشۋىڭىزعا بولادى. مەن قىزدار مەكتەبىن اشۋ، ۇلتتىق باعىتتا تاربيە بەرەتىن ۇيىرمە اشۋ بويىنشا جان-جاقتى كومەك كورسەتەمىن، – دەدى ءو. شوكەيەۆ.
وبلىستىق ايەلدەر كەڭەسىنىڭ ءتورايىمى ب. جاندوسوۆا وبلىستا رەسپۋبليكالىق «ونەگە» جوباسىنىڭ جۇمىسىن جانداندىرىپ، تۇركىستاننان تۇرمىستىق زورلىق-زومبىلىققا ۇشىراعان ازاماتتارعا ارنالعان داعدارىس ورتالىعىن اشساق دەگەن يدەياسىمەن ءبولىستى. الەۋمەتتىك ماڭىزى زور باستاماعا وبلىس باسشىسى قولداۋ بىلدىرەتىندىگىن جەتكىزدى.
ايتا كەتەيىك، «Nur Otan» پارتياسى تۇركىستان وبلىستىق فيليالىنىڭ «Open space» فورماتىندا اشىلعان قوعامدىق قابىلداۋ كەڭسەسىنە بارلىق مەملەكەتتىك ورگان جەتەكشىلەرى، وبلىس اكىمى، باسقارما باسشىلارى اي سايىن كەلىپ، تۇرعىندارمەن قابىلداۋ جۇرگىزۋدە.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
