ءتۇرلى ونەر ادامدارىنىڭ باسىن قوساتىن مادەني دەمالىس ورنى ەندى قالاداعى قوشقار اتا بويى مەن بەكەت باتىر، اسقاروۆ جانە بەيبىتشىلىك كوشەلەرى بويىندا ورنالاسپاق. بۇگىندە ارباتتىڭ جوباسى جاسالىنىپ، ايماق باسشىسىنا ۇسىنىلعان. سونىمەن قاتار، بۇگىنگى جۇمىسشى توپ قۇرامىنداعى وبلىس ءماسليحاتىنىڭ دەپۋتاتى ءو.مەلدەحانوۆ اتالعان جوبا بويىنشا ءوزىنىڭ ءبىرقاتار ۇسىنىستارىن جەتكىزدى.
ايتا كەتەيىك، مۇنداي اشىق اسپان استىنداعى كورمەنى قولعا الۋ يدەياسىن ءوڭىر باسشىسى ج.تۇيمەبايەۆ كوتەرىپ، ونى جۇزەگە اسىرۋدى قالا اكىمدىگىنە تاپسىرعان بولاتىن. وسىلايشا، تاياۋ كۇندەرى قالا ورتالىعىنان شىمكەنتتىڭ ءوز «ارباتى» پايدا بولىپ، وندا شاھار تۇرعىندارى مەن قوناقتارى جەكسەنبى جانە مەرەكە كۇندەرى سۋرەتشىلەردىڭ كورمەسىن، كادەسىيلاردىڭ الۋان تۇرلەرىن تاماشالاي الاتىن بولادى.
ارالاۋ بارىسىندا وبلىس اكىمى اتالعان كوشە بويىنداعى تۇرعىندارمەن تىلدەسىپ، سول كوشە بويىندا ورنالاسقان ءدامحانالاردىڭ بىرىندە كەلۋشىلەرمەن كوفە ۇستىندە، «اربات» دەمالىس ورنى تۋرالى پىكىرلەستى. سونداي-اق اكىم بۇل جوبانى جۇزەگە اسىرۋدىڭ باستى ماقساتى ۇلتتىق قۇندىلىقتاردى دارىپتەي وتىرىپ، تۇرعىنداردىڭ قازاق حالقىنىڭ ءداستۇرى مەن تاريحىنا دەگەن قىزىعۋشىلىعىن وياتۋ ەكەنىن اتاپ ءوتتى.
وقو اكىمىنىڭ باسپا ءسوز قىزمەتى
