بىزدە شىمكەنتتە 1034 زاڭسىز پايدالانۋعا بەرىلگەن نىساننىڭ جارتىسىنان كوبى تويحانا شىعار. سالىستىرىپ قارايىقشى...
تويعا بارعاندا داستارحانداعى تاماقتىڭ ءبارىن تاۋىسىپ قوياسىزدار ما؟ بۇرىن نان ەمەس، ناننىڭ ۇساعىن تاستاۋعا قورقاتىن ەدىك. ءقازىر قاسيەت كەتە باستادى ما، تاماقتى باسى ءبۇتىن پومويكاعا اۋداراتىن بولدىق. ءدامحانا مەن تويحانا يەلەرىنىڭ بۇعان ەتى ۇيرەنگەن. ال وعان ءبىز، مىنا تويشىل قاۋىم كىنالىمىز.
مەملەكەت باسشىسى ىسىراپشىلدىقتى ازايتۋ كەرەك ەكەنىن ايتتى.
بۇل ءداستۇردى ۇمىتىپ، تويدان باس تارتۋ ەمەس، كەرىسىنشە داستۇرگە ساي وتسە، ىسىراپ تىيىلۋ دەپ قابىلداعان ءلازىم.
ءبىراق ءداستۇردى ويلاپ جاتقان ەشكىم جوق، كۇندە جاڭا ءبىر ىسىراپ جاساۋدىڭ جولىن ويلاپ، ونىسىن داستۇرگە اينالدىرۋعا قۇمار.
سەبەبى، كەيبىرەۋلەر تاپقانىن قايدا جىبەرەرىن بىلمەيدى. سىيماي جاتقان دۇنيەسىن ءبىر جاڭالىق ويلاپ تاۋىپ، ماقتانگەرشىلىكپەن كورسەتۋگە اۋەس.
باي-باقۋاتتى جانداردىڭ ساناسىنىڭ جەتكەن جەرى وسى بولعان سوڭ، قاراپايىم حالىقتان نە كۇتەسىڭ؟
سوڭعى 10 جىلدا شىمكەنتتەن «انا مەن بالاعا ارنالعان باسسەين» تاپپادىم. تويحانالاردىڭ يەسى، ياعني كاسىپكەرلەر نەگە بايلىعىن قايىرلى ىسكە جۇمساپ، ەلدىڭ سالاۋاتتى ءومىر سالتىن ۇستانۋىنا سەپتىگىن تيگىزبەيدى؟ شىمكەنتتەگى ءتورت اۋداندا مەملەكەتتىك-جەكەمەنشىك ارىپتەستىك اياسىندا «انا مەن بالاعا» ارنالعان باسسەين، ترەناجەر زالدارى، يوگا، بي، فيتنەس ماسساج قىزمەتى بار سپورتتىق-ساۋىقتىرۋ ورتالىقتارىن ىسكە قوسسا...
جۇكتىلىكتىڭ 9 ايى مەن ەمىزۋلى بالاعا مەملەكەتتەن دە، قوعامنان دا وسى ۇلكەن جاردەم بولار ەدى.
جۇكتى كەزدە كيىمىنە كوڭىلى تولماعان كەلىنشەك تويدا بيلەي الماي، «باقىتسىزدىقتىڭ» ءدامىن تارتىپ، جىلاماي، بوس ۋاقىتىندا ءوزىنىڭ راحاتتانۋعا مۇمكىندىگى بارىن سەزىنەر ەدى.
مۇنداي كايپپەن تۋعان بالانىڭ ومىرشەڭدىگى قانداي بولاتىنىن ايتپاي-اق قويايىن. قازىرگى تۋعان شاقالاقتاردىڭ قانشالىقتى جىلاۋىق ەكەنىن وزدەرىڭىز دە كورىپ جۇرگەن بولارسىزدار.
